khmer eng
  • ឯកឧត្តមបណ្ឌិត ធន់ វឌ្ឍនា ៖ CLV DTA ជារឿងចាស់ និងមិនមានការលាក់បាំងដូចមតិលើកឡើងរបស់បុគ្គលមួយចំនួនតូចនោះទេ និងគួរចូលរួមពន្យល់ញាតិមិត្ត អំពីសេចក្ដីពិតនៃ CLV
     
    ចែករំលែក ៖

    ឯកឧត្តមបណ្ឌិត ធន់ វឌ្ឍនា និងឯកឧត្តមបណ្ឌិត ចែម វីឌ្យ៉ា សមាជិកព្រឹទ្ធសភាប្រចាំភូមិភាគទី១ (រាជធានីភ្នំពេញ) បានអញ្ជើញជួបសំណេះសំណាលជាមួយនឹងក្រុមប្រឹក្សាសង្កាត់ និងអាជ្ញាធរមានសមត្ថកិច្ច ដើម្បីស្វែងយល់អំពីបញ្ហាប្រឈម និងសំណូមពរផ្សេងៗ នៅខណ្ឌចំការមន រាជធានីភ្នំពេញ នាពីរសៀលថ្ងៃទី៣ ខែកញ្ញា ឆ្នាំ២០២៤ ដោយមានការអញ្ជើញចូលរួមពីថ្នាក់ដឹងនាំខណ្ឌ ក្រុមប្រឹក្សាសង្កាត់ និងអាជ្ញារធមូលដ្ឋានសរុបប្រមាណ ៣០នាក់។
    ឯកឧត្តម មានប្រសាសន៍កោតសរសើរ ដល់មន្រ្ដីមូលដ្ឋាន ដែលបានធ្វើការប្រកដោយតម្លាភាព មានប្រសិទ្ធភាព ធានាសុវត្ថិភាពសាធារណៈ សន្តិសុខសង្គម ព្រមទាំងដោះស្រាយបញ្ហាជីវភាពរបស់ប្រជាពលរដ្ឋទាន់ពេលវេលា។
    ឯកឧត្តមបណ្ឌិត ធន់ វឌ្ឍនា បានលើកឡើងថា ព័ត៌មានអំពី CLV ត្រូវបានបោះផ្សាយយ៉ាងច្រើន នៅតាមអ៊ីនធឺណែត ការសែតក្នុងស្រុក និងបរទេស ក្នុងមួយឆ្នាំមានប្រហែល៤-៥អត្ថបទ ដោយមិនមានការលាក់បាំងដូចការលើកឡើងរបស់បុគ្គលមួយចំនួននោះទេ និងត្រូវរួមគ្នាពន្យល់អំពីសេចក្ដីពិតនៃ CLV DTA ជូនញាតិមិត្តរបស់យើង។
    ឯកឧត្តមបណ្ឌិត ធន់ វឌ្ឍនា បានពន្យល់បន្ថែមអំពី CLV DTA និងបានអនុញ្ញាតឱ្យសមាជិកក្រុមប្រឹក្សាសង្កាត់អានមាត្រាមួយចំនួននៃកិច្ចព្រមព្រៀងនោះ។
    ឯកឧត្តមបណ្ឌិត ធន់ វឌ្ឍនា បានលើកឡើងថា ក្នុងស្ថានភាពសេដ្ឋកិច្ចពិភពលោកពិបាកនាពេលបច្ចុប្បន្ន ក៏កម្ពុជា បានសម្រេចកំណើនសេដ្ឋកិច្ចល្អ នេះបើតាមទិន្នន័យរបស់ មូលនិធិរូបិយវត្ថុអន្តរជាតិ (IMF) បានបង្ហាញថា GDP របស់កម្ពុជាមាន ៦% នៅឆ្នាំ២០២៤, វៀតណាមមាន ៥.៨%, ឡាវមាន ៤%, ថៃមាន ២.៧% និងមីយ៉ានម៉ាមាន ១.៥%។

    ខ្លឹមសារ ៖ ការិយាល័យជំនួយការគណៈកម្មការទី២ព្រឹទ្ធសភា
    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    សម្តេចតេជោ ហ៊ុន សែន អនុញ្ញាតឱ្យប្រធានវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (ERIA) ចូលជួបសម្តែងការគួរសម
    thumbnail
     
    ឯកឧត្តម ម៉ាន់ ឈឿន បានអញ្ជើញចុះជួបផ្ទាល់ជាមួយលោកតា លោកយាយ ជនពិការ និងប្រជាពលរដ្ឋចំនួន២០គ្រួសារ នៅខណ្ឌទួលគោក រាជធានីភ្នំពេញ
    thumbnail
     
    គណៈប្រតិភូគណៈកម្មការទី៨ព្រឹទ្ធសភា អញ្ជើញជួបសំណេះសំណាលជាមួយក្រុមប្រឹក្សាសង្កាត់ អ្នកគ្រប់គ្រង និងជនចាស់ជរានៃសមាគមមនុស្សចាស់ នៅសាលាសង្កាត់សាមគ្គី
    thumbnail
     
    ឯកឧត្តម អ៊ុច បូររិទ្ធ អញ្ជើញជាអធិបតីក្នុងពីធីចុះអនុស្សរណៈនៃការយោគយល់រវាង គណៈកម្មការសិទ្ធិមនុស្ស ទទួលពាក្យបណ្ដឹង និងអង្កេតនៃព្រឹទ្ធសភា ជាមួយក្រុមមេធាវីស្ម័គ្រចិត្តសម្តេចតេជោសែន
    thumbnail
     
    គណៈប្រតិភូគណៈកម្មការទី៩ព្រឹទ្ធសភា អញ្ជើញជួបពិភាក្សាការងារជាមួយថ្នាក់ដឹកនាំក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍