ក្នុងឱកាសចុះបំពេញ បេសកកម្ម នៅទឹកដីខេត្តកំពត នៅរសៀលថ្ងៃពុធ ទី២៥ ខែកញ្ញា ឆ្នាំ២០២៤នេះ គណៈប្រតិភូក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំដោយឯកឧត្តម ខៀវ មុត ប្រធានក្រុម បានអញ្ជើញនាំយកទេយ្យទាន ទេយ្យវត្ថុ ព្រមទាំងចតុប្បច្ច័យមួយចំនួនប្រគេនព្រះសង្ឃកម្មវិធីកាន់បិណ្ឌភ្ជុំបិណ្ឌវេនទី៩ នៅវត្តជុំគៀល ស្ថិតនៅឃុំជុំគ្រៀល ស្រុកទឹកឈូ ខេត្តកំពត ដើម្បីឧទ្ទិសកុសលផលបុណ្យជូន បុព្វការីជនមានជីដូន ជីតា មាតាបិតា ញាតិការទាំង៧ សន្ដាន ព្រមទាំងវីរយុទ្ធជនយុទ្ធនារី អ្នកស្នេហាជាតិមាតុភូមិកម្ពុជា និងប្រជាជន ដែលបានពលី និងមរណកាលទៅកាន់លោកខាងមុខ សូមវិញ្ញាណក្ខន្ធអស់លោកទាំងអស់ បានយោនយកកំណើតថ្មី នៅទីឋានសុគតិភពកុំបីភ្លៀងឃ្លាតឡើយ…។
ប្រភព៖ នាយកដ្ឋានព័ត៌មាន
