ថ្ងៃអង្គារ ១៤រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១ ខែតុលា ឆ្នាំ២០២៤ ត្រូវនឹងថ្ងៃកាន់បិណ្ឌទី១៤ ឯកឧត្តម ឈួន ឆាម អនុប្រធានគណៈកម្មការទី៣ នៃព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៥ ព្រមទាំងក្រុមគ្រួសារ បាននាំយកទេយ្យវត្ថុ គ្រឿងអត្ថបរិក្ខារ ចង្ហាន់បិណ្ឌបាត្រ និងបច្ច័យសម្រាប់កសាងសមិទ្ធផលផ្សេងៗ ទៅប្រគេនព្រះសង្ឃគង់នៅវត្តល្បើកវារីរង្សី (ហៅវត្តល្បើក) ស្ថិតក្នុងភូមិតាទក ឃុំពួក ស្រុកពួក ខេត្តសៀមរាប ដើម្បីឧទ្ទិសមគ្គផលជូនវិញ្ញាណក្ខន្ធបុព្វការីជន លោកអ្នកមានគុណរួមមានមាតាបិតា ជីដូនជីតា ញាតិកាទាំង៧សន្តាន ដែលបានចែកឋានទៅហើយ ព្រមទាំងឧទ្ទិសមគ្គផលជូនដល់ដួងវិញ្ញាក្ខន្ធយុទ្ធជន យុទ្ធនារីនិងអ្នកស្នេហាជាតិទាំងអស់ ដែលបានពលីជីវិតដើម្បីបុព្វហេតុការពារជាតិ មាតុភូមិ និងប្រជាជន សូមអស់លោកទទួលបានកុសលផលបុណ្យ និងយោនយកកំណើតថ្មីទៅកាន់ទីសុគតិភពកុំបីឃ្លៀងឃ្លាតឡើយ៕
