ឯកឧត្តម អ៊ឹង លាងហ៊ួ ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញទៅគោរពវិញ្ញាណក្ខន្ធ និងរំលែកមរណៈទុក្ខដ៏សែនក្រៀមក្រំជាមួយក្រុមគ្រួសារសព លោក ដោក ទេស អតីតប្រធានការិយាល័យអប់រំ យុវជន និងកីឡា
នារសៀលថ្ងៃព្រហស្បតិ៍ ទី៧ ខែវិច្ឆិកា ឆ្នាំ២០២៤ ឯកឧត្តម អ៊ឹង លាងហ៊ួ សមាជិកគណៈកម្ម ការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញទៅគោរពវិញ្ញាណក្ខន្ធ និងរំលែកមរណៈទុក្ខដ៏សែនក្រៀមក្រំជាមួយក្រុមគ្រួសារសព លោក ដោក ទេស អតីតប្រធានការិយាល័យអប់រំ យុវជន និងកីឡាស្រុក និងជាអតីតសមាជិកក្រុមប្រឹក្សាស្រុកទឹកផុស ដែលលោកបានទទួលមរណភាពដោយរោគាពាធក្នុងជន្មាយុ ៨៣ឆ្នាំ។ សពបានតម្កល់ធ្វើបុណ្យតាមប្រពៃណីនៅគេហដ្ឋានសព ស្ថិតនៅភូមិស្រែតាជ័យ ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង។ សូមវិញ្ញាណក្ខន្ធលោក ដោក ទេស អន្ទោលទៅកាន់ទីស្ថានបរមសុខកុំបីខាន។
