នារសៀលថ្ងៃទី១៣-១៤ ខែវិច្ឆិកា ឆ្នាំ២០២៤ វេលាម៉ោង១៤:០០នាទី លោកជំទាវ ជា ច័ន្ទទេវី ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានអញ្ជើញចូលរួមពិធីក្រុងពាលី នមស្ការព្រះរតនត្រ័យ សមាទានសីល និងស្តាប់ព្រះសង្ឃចម្រើនព្រះបរិត្ត និងសម្ដែងធម៌ទេសនា ក្នុងពិធីបុណ្យកឋិនទានសាមគ្គី នៅវត្តគីរីទក្ខិណារាម (ហៅវត្តក្បាលបឹងសេះ) ដែលស្ថិតនៅភូមិក្បាលបឹងសេះ ឃុំគរ ស្រុកត្បូងឃ្មុំ ខេត្តត្បូងឃ្មុំ។
អង្គកឋិនទានសាមគ្គីនេះ ផ្តួចផ្តើមបុណ្យដោយលោកជំទាវ ជា ច័ន្ទទេវី ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ព្រះចៅអធិការវត្ត រួមជាមួយនឹងឯកឧត្តម លោកជំទាវ លោក លោកស្រី ដែលជាសប្បុរសជន និងប្រជាពុទ្ធបរិស័ទចំណុះជើងវត្តគីរីទក្ខិណារាម ដើម្បីដង្ហែអង្គកឋិនទានទៅវេរប្រគេនព្រះភិក្ខុសង្ឃមគង់ចាំព្រះវស្សា អស់ត្រីមាសក្នុងព័ទ្ធសីមា…។
