នាវេលាព្រឹកថ្ងៃអង្គារ៍ ទី១៩ ខែវិច្ឆិកា ឆ្នាំ២០២៤ សម្តេចរាជបុត្រី ព្រះអនុជ នរោត្ដម អរុណរស្មី ឧត្តមប្រឹក្សាផ្ទាល់ព្រះមហាក្សត្រ និងជាសមាជិកាព្រឹទ្ធសភា បានសព្វព្រះហឫទ័យយាងចុះជួបសំណេះសំណាល សួរសុខទុក្ខគណ:គ្រប់គ្រង លោកគ្រូ អ្នកគ្រូ និងសិស្សានុសិស្សនៅសាលាមធ្យមវិចិត្រសិល្បៈ ព្រមទាំងនាំយកថវិកាសប្បុរសធម៌សរុបចំនួន ២០,៧៥៦ (ម្ភៃពាន់ ប្រាំពីររយហាសិបប្រាំមួយ ដុល្លារអាមេរិកគត់) ជូនដល់សាលាមធ្យមវិចិត្រសិល្បៈ ដើម្បីសាងសង់រោង ជួសជុលឆាករបាំ និងទិញគ្រឿងបរិក្ខារ រួមចំណែកទ្រទ្រង់ បណ្តុះបណ្តាល និងអភិរក្សលើកស្ទួយវិស័យសិល្បៈ វប្បធម៌ដ៏ថ្កើងថ្កានរបស់ជាតិយើង ។
ថវិកាចំនួន ២០,៧៥៦ដុល្លារខាងលើនេះ គឺទទួលបានពីការចូលរួមចំណែកដ៏ថ្លៃថ្លាពីសំណាក់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត, មូលនិធិមុទិតា ព្រមទាំងសប្បុរសជននានា ស្ថិតនៅសាលាមធ្យមវិចិត្រសិល្បៈ សង្កាត់ ភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
