នាព្រឹកថ្ងៃសុក្រ ទី២៩ ខែវិច្ឆិកា ឆ្នាំ២០២៤ លោកជំទាវ មុំ សណ្តាប់ សមាជិកក្រុមសមាជិកាព្រឹទ្ធសភា តំណាងឲ្យក្រុមសមាជិកាព្រឹទ្ធសភា និងឯកឧត្តម អុឹង លាងហ៊ួ សមាជិកគណៈកម្មការទី៧ព្រឹទ្ធសភា អញ្ជើញចូលរួមក្នុងពិធីសម្ពោធបើកឱ្យប្រើប្រាស់ជាផ្លូវការ នូវស្ថានីយចម្រោះទឹកស្អាត ដែលជាជំនួយរបស់ក្រុមហ៊ុន INTRACO ជូនវិទ្យាល័យក្រុងកំពង់ឆ្នាំង ក្រោមអធិបតីភាពដ៏ខ្ពង់ខ្ពស់របស់សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍។

សូមបញ្ជាក់ថា ក្រុមហ៊ុន INTRACO តាមរយៈក្រុមហ៊ុនបុត្រសម្ព័ន្ធ SIPCO មានគម្រោងសាងសង់ស្ថានីយចម្រោះទឹកពិសា (ទឹកស្អាត) ជូនដល់សាលារៀនក្នុងប្រទេសកម្ពុជាចំនួន១៥០ នៅក្នុងដំណាក់កាលឆ្នាំ២០២៥-២០២៦។
ពិធីសម្ពោធនេះដែរ ប្រព្រឹត្តទៅនៅវិទ្យាល័យក្រុងកំពង់ឆ្នាំង ខេត្តកំពង់ឆ្នាំង…៕

ប្រភព៖ នាយកដ្ឋានព័ត៌មាន