នារសៀលថ្ងៃអង្គារ ១០កើត ខែមិគសិរ ឆ្នាំរោង ឆស័ក ព.ស.២៥៦៥ ត្រូវនឹងថ្ងៃទី១០ ខែធ្នូ ឆ្នាំ២០២៤ លោកជំទាវ ឯម ផលាមុនី សមាជិកាក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញនាំយកបច្ច័យប្រគេនព្រះគ្រូព្រះចៅអធិការវត្តសេរីបុត្រ ចំនួន២,០០០,០០០រៀល ដើម្បីចាក់បេតុងក្នុងបរិវេណវត្តដែលមានប្រវែង ទទឹង៧ម៉ែត្រ និងបណ្តោយ២៥០ម៉ែត្រ
ក្នុងឱកាសនោះ លោកជំទាវ បានសំណេះសំណាលសួរសុខទុក្ខ និងបាននាំយកថវិកា ចែកជូនដល់ តាជី យាយជី ចំណុះជើងវត្ត ចំនួន៣០នាក់ ក្នុងម្នាក់ៗទទួលបានថវិកា ចំនួន១០,០០០រៀល ស្ថិតនៅឃុំតាយ៉ែក ស្រុកសូទ្រនិគម ខេត្តសៀមរាប។,
