តបតាមសំណើរបស់ក្រុមប្រឹក្សាឃុំជាលា ស្រុកបាធាយ ខេត្តកំពង់ចាម នាព្រឹកថ្ងៃទី១៩ ខែធ្នូ ឆ្នាំ២០២៤ ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី២ បានចាត់ទីប្រឹក្សារបស់ឯកឧត្តម រួមសហការជាមួយនឹងអាជ្ញាធរឃុំជាលា ចុះទៅពិនិត្យបន្ថែម និងចាប់ផ្តើមធ្វើការឈូសឆាយ ពង្រាប ចាក់ដីបន្ថែម កិនបង្ហាប់ នូវផ្លូវមួយខ្សែប្រវែង ២,៧៥០ម៉ែត្រ ទទឹង ៨ម៉ែត្រ ចាប់ពីចំណុចភូមិភ្នំដិល ដល់ភូមិតាំងក្រាំង និងដល់ភូមិតាងឹល នៃឃុំជាលា។ ចំពោះការជួសជុលផ្លូវនេះត្រូវចាក់ដីក្រហមអស់ចំនួន ៣០ឡាន គិតជាថវិកាសរុបអស់ ៦,៦០០,០០០៛ (ប្រាំមួយលានប្រាំមួយសែនរៀលគត់) ដែលជាថវិកាមូលនិធិសប្បុរសធម៌របស់ឯកឧត្តម។ សូមជម្រាបជូនថា៖ ផ្លូវនេះនឹងជួសជុលរួចរាល់នៅក្នុងរយៈពេល ១ ឬ២ថ្ងៃ ខាងមុខនេះ។
ប្រភព៖ ខុទ្ទកាល័យឯកឧត្តមអនុប្រធានទី១ ព្រឹទ្ធសភា
