នៅព្រឹកថ្ងៃសៅរ៍ ទី២១ ខែធ្នូ ឆ្នាំ ២០២៤ ឯកឧត្ដម ឈើយ ចាន់ណា លេខាធិការគណៈកម្មការទី៧ និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ រួមគ្នាជាមួយ លោក បឹង គឹមសឹង ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត លោក អុិន ជំនោរ នាយកអង្គការកម្ពុជានៃក្ដីសង្ឃឹម លោក ខែម សុវណ្ណ ទីប្រឹក្សាសាលា សេស្វហេវិន បានអញ្ជើញនាំយក ឧបភោគបរិភោគមាន ៖
-មី ១០៥កេះ
-ទឹកបរិសុទ្ធ ១០០យួរ និង
-ព្រីនធ័រ ១គ្រឿង ព្រមទាំងថវិកា ៣ ០០០ ០០០៛ ជូនដល់រដ្ឋបាលសង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ក្នុងការត្រៀមចែកជូនប្រជាពលរដ្ឋទទួល មរណៈភាព និងជួបការខ្វះខាត ហើយ និងព្រីនធ័រទុកប្រើប្រាស់ក្នុងរដ្ឋបាលសង្កាត់។ ដោយឡែក សៀវភៅអានមាន វចនានុក្រម ភាសាខ្មែរ អង់គ្លេស រឿងប្រេងប្រជាប្រិយ៍ និទានខ្មែរ សៀវភៅសរសេរ និងសម្ភារសិក្សាមួយចំនួនទៀតជូនដល់ សាលាសេស្វហេវិន ស្ថិតនៅភូមិកូនដំរី សង្កាត់និមិត្ត។
