នៅព្រឹកថ្ងៃទី១៥ ខែមករា ឆ្នាំ២០២៥
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានអញ្ជើញជាអធិបតីក្នុងពិធីប្រគល់សញ្ញាបត្របញ្ចប់ការសិក្សានៅសាលាដារុលអ៊ូលូម អាល់ហាស្ហុីមីយះ ក្នុងភូមិកំពង់ទ្រាស ឃុំកំពង់ទ្រាស ស្រុកក្រូចឆ្មារ ខេត្តត្បូងឃ្មុំ ។
ក្នុងឱកាសនេះដែរឯកឧត្តមបានផ្តាំផ្ញើដល់ប្អូនៗដែលទទួលបានសញ្ញាបត្រថ្ងៃនេះថា នេះជាថ្ងៃមួយដែលជាថ្ងៃមោទនៈភាពបំផុតរបស់យើង និងឪពុកម្តាយរបស់យើងថែមទាំងគ្រួសាររបស់យើងដែរ ។ ក្រោយពីបានទទួលសញ្ញាបត្រហើយ ប្អូនៗត្រូវរក្សាអាកប្បកិរិយាឲ្យល្អប្រសើរ ជៀសវាងភាពក្រអើតក្រទមចំពោះមិត្តភ័ក្ត ចាស់ជរា ដែលតែងផ្តល់កម្លាំងចិត្តឲ្យយើង ហើយគិតថាខ្លួនអស្ចារ្យព្រោះតែភាពជោគជ័យរបស់យើងថ្ងៃនេះ។ មានចំណេះដឹងគឺពិតល្អណាស់ទៅហើយ តែអ្វីដែលកាន់ល្អនោះគឺត្រូវរក្សាឲ្យបាននូវអាកប្បកិរិយាដែលសង្គមត្រូវការនិងអាណិតស្រឡាញ់។
