ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចុះពិនិត្យ និងស្វែងយល់ការងារមូលដ្ឋានដែលមន្ទីរធនធានទឹកនិងឧតុនិយមជួយ អន្តរាគមន៍
ព្រឹកថ្ងៃអាទិត្យ ទី០២ ខែកុម្ភៈ ឆ្នាំ២០២៥ ឯកឧត្តម គឹម ធា លេខាធិការគណៈកម្មការទី៦ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចុះពិនិត្យ និងស្វែងយល់ការងារមូលដ្ឋានដែលមន្ទីរធនធានទឹកនិងឧតុនិយមជួយ អន្តរាគមន៍ ដោយដាក់ម៉ាស៊ីនបូមទឹក កម្លាំង៦៥សេះ ចំនួន៤គ្រឿង បូមទឹកពីអាងទឹកកីចក ជួយសង្គ្រោះស្រូវដែលប្រឈមនិងការខ្វះទឹកស្រោចស្រព ចំនួន៧២១ហិកតា ស្មើនិង៤២៣គ្រួសារ ក្នុងផែនការមានត្រឹមតែ ២០០ហិកតា មានចំនួន៧ភូមិ ដែលស្ថិតនៅក្នុងឃុំជ្រៃធំ ឃុំមុខដា និងឃុំត្រពាំងស្ដៅ ស្រុករមាសហែក ខេត្តស្វាយរៀង។ តាមការផ្តល់ព័ត៌មានរបស់មន្ទីរធនធានទឹកនិងឧតុនិយមខេត្តស្វាយរៀងការងារ បង្កបង្កើនផលស្រូវប្រាំងនៅក្នុងខេត្តស្វាយរៀង រហូតមកដល់បច្ចុប្បន្ននេះ អនុវត្តបាន ២៥.៩០៤ ហិកតា ស្មើនឹង ១២៦,៣៦% លើសផែនការចំនួន ៥.៤០៤ហិកតា នៃផែនការ ២០.៥០០ ហិកតា។
