នាថ្ងៃទី០៤ ខែកុម្ភៈ ឆ្នាំ២០២៥ លោកជំទាវ កង សៅរ៍ធន សមាជិកាក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះពិនិត្យការជីកស្តារស្រះទឹកចំនួន៤កន្លែង ដោយពេលព្រឹក បានចុះទៅពិនិត្យការជីកស្តារស្រះទឹកចំនួន៣កន្លែង គឺនៅឃុំបឹងសាលាខាងជើង ស្រុកកំពង់ត្រាច ខេត្តកំពត ក្នុងនោះបានជីកស្រះទឹកថ្មីចំនួន២កន្លែង និងជីកស្តារស្រះទឹកចាស់ដែលជីកដោយ ក្រុមសមាជិកព្រឹទ្ធសភាប្រចាំភូមិភាគទី៥ ចំនួន១កន្លែង។ ចំណែកពេលរសៀល លោកជំទាវ បន្តចុះពិនិត្យស្រះទឹក១កន្លែងទៀត ដោយជំរុញឱ្យលើកទំនប់៧តឹកបន្ថែម ដើម្បីការពារទឹកលិច ឬងាប់ដើមឈើ និងស្លឹកគ្រៃជាដើម នៅឃុំប្រាសាទភ្នំខ្នង ស្រុកកំពង់ត្រាច ខេត្តកំពត។ ក្នុងការចុះពិនិត្យនេះមានការចូលរួមពី ក្រុមប្រឹក្សាឃុំ ស្មៀនឃុំ នាយប៉ុស្តិ៍នគរបាលរដ្ឋបាលឃុំ មន្ត្រីកសិកម្ម មន្ត្រីហិរញ្ញវត្ថុឃុំ និងថ្នាក់ដឹកនាំភូមិ ចលនាមហាជនយុវជន នារី ព្រមទាំងប្រជាពលរដ្ឋ ក្នុងមូលដ្ឋានផងដែរ។
សូមបញ្ជាក់ថា ស្រះថ្មីទី១ មានទំហំ បណ្តោយប្រវែង៦០ម៉ែត្រ ទទឹងប្រវែង៣០ម៉ែត្រ និងស្រះថ្មីទី២ មានទំហំបណ្តោយប្រវែង៨០ម៉ែត្រ និងទទឹងប្រវែង៨០ ម៉ែត្រ។
ប្រភព : ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
