រសៀលថ្ងៃទី៨ ខែកុម្ភៈ ឆ្នាំ២០២៥ ឯកឧត្តម ទេព យុទ្ធី លេខាធិការគណៈកម្មការទី៨ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញជាអធិបតីក្នុងពិធីជួបសំណេះសំណាលរវាងមន្ទីរអប់រំ យុវជន និង កីទ្បាខេត្តកំពត ជាមួយគណៈប្រតិភូ Dongshin University នៃសាធារណរដ្ឋកូរ៉េ ដឹកនាំដោយលោកបណ្ឌិត Song Gyung Yong សាកលវិទ្យធិការរង នៃសាកលវិទ្យាល័យ Dongshin នៅមន្ទីរអប់រំ យុវជន និងកីទ្បាខេត្តកំពត ។

ក្នុងពិធីជួបសំណេះសំណាលនេះ ក៏មានការចុះហត្ថលេខាលើអនុស្សារណៈយោគយល់គ្នារវាងតំណាងវិទ្យាល័យវឌ្ឍនវិជ្ជា ក្រុងកំពត និងតំណាងគណៈប្រតិភូ Dongshin University សម្រាប់ផ្លាស់ប្ដូរបទពិសោធន៍ និងវិធីសាស្ត្រក្នុងការគ្រប់គ្រង និងការអប់រំបណ្ដុះបណ្ដាល ទៅវិញទៅមកផងដែរ។