khmer eng
  • ព្រឹទ្ធសភា នៃព្រះរាជាណាចក្រកម្ពុជា បានបើកសម័យប្រជុំវិសាមញ្ញព្រឹទ្ធសភា នីតិកាលទី៤ នាថ្ងៃទី១២ ខែសីហា ឆ្នាំ២០១៩
     
    ចែករំលែក ៖

    នាថ្ងៃចន្ទ ទី១២ ខែសីហា ឆ្នាំ២០១៩ វេលាម៉ោង៨:០០នាទីព្រឹក ព្រឹទ្ធសភា នៃព្រះរាជាណាចក្រកម្ពុជា បានបើកសម័យប្រជុំវិសាមញ្ញព្រឹទ្ធសភា នីតិកាលទី៤ ក្រោមអធិប​តី​ភាព​​ដ៏ខ្ពង់​ខ្ពស់​របស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ដោយសមាជិកព្រឹទ្ធសភាមានវត្តមានចំនួន ៥៦រូប។

    អង្គប្រជុំ បានដំណើរការតាមរបៀបវារៈចំនួន ០២រួមមាន៖

    របៀបវារៈទី១៖  ការប្រកាសទទួលស្គាល់សមាជិកព្រឹទ្ធសភាថ្មី នីតិកាលទី៤។

    យោងតាមស្មារតីអង្គប្រជុំគណៈកម្មាធិការអចិន្ត្រៃយ៍ព្រឹទ្ធសភា នាថ្ងៃទី០៩ ខែសីហា ឆ្នាំ២០១៩ និងសម័យប្រជុំវិសាមញ្ញព្រឹទ្ធសភា នាព្រឹកថ្ងៃទី១២ ខែសីហា ឆ្នាំ២០១៩ បានទទួលស្គាល់សមាជិកព្រឹទ្ធសភាថ្មី សម្រាប់នីតិកាលទី៤ ចំនួន ០៣រូប រួមមាន៖១. ព្រះអង្គម្ចាស់ នរោត្តម ប្រីយសោភ័ណ្ឌ ជាសមាជិកព្រឹទ្ធសភា ចាត់តាំងដោយព្រះមហាក្សត្រ ជំនួស សម្តេចរាជបុត្រីព្រះអនុជ នរោត្តម អរុណរស្មី ដែលបានសុំលាឈប់ចាប់ពីថ្ងៃទី០១ ខែកញ្ញា ឆ្នាំ២០១៩ ។ ២. ឯកឧត្តម ញ៉ូវ សុង ជាសមាជិកព្រឹទ្ធសភា មណ្ឌលភូមិភាគទី៧ (ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និងខេត្តព្រះសីហនុ) ជំនួស ឯកឧត្តម ឡាយ អ៊ីពិសិទ្ធ ដែលបានទទួលមរណភាព។ ៣. ឯកឧត្តម ឡៅ ឆន ជាសមាជិកព្រឹទ្ធសភា មណ្ឌលភូមិភាគទី៤ (ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តឧត្តរមានជ័យ និងខេត្តប៉ៃលិន) ជំនួស លោកជំទាវ ស៊ឹង ស៊ីយុត ដែលបានទទួលមរណភាព។

    សមាជិកព្រឹទ្ធសភាថ្មីទាំង ០៣រូបនេះ ត្រូវធ្វើសច្ចាប្រណិធានមុនចូលកាន់តំណែង។

    របៀបវារៈទី២៖ ការបោះឆ្នោតជ្រើសតាំងសមាជិកឧត្តមក្រុមប្រឹក្សានៃអង្គចៅក្រមចំនួន ០១រូប សម្រាប់ជំនួសសមាជិកដែលត្រូវបញ្ចប់អាណត្តិ។

     

    ដោយអនុលោមតាមមាត្រា៤ និងមាត្រា៥ នៃច្បាប់ស្តីពី ការរៀបចំ និងការប្រព្រឹត្តទៅនៃឧត្តមក្រុមប្រឹក្សានៃអង្គចៅក្រម និងយោងលិខិតលេខ៖ ១៣៥៩ កយ.រប/១៩ចុះថ្ងៃទី១៩ ខែកក្កដា ឆ្នាំ២០១៩ រដ្ឋមន្ត្រីក្រសួងយុត្តិធម៌ បានស្នើសុំឱ្យព្រឹទ្ធសភាជ្រើសរើសសមាជិកឧត្តមក្រុមប្រឹក្សានៃអង្គចៅក្រមចំនួន ០១រូប            ជំនួស ឯកឧត្តម  អ៊ុំ សារិទ្ធ សមាជិកឧត្តមក្រុមប្រឹក្សានៃអង្គចៅក្រម ដែលនឹងត្រូវបញ្ចប់អាណត្តិ។

    អង្គប្រជុំព្រឹទ្ធសភា បានបោះឆ្នោតជ្រើសតាំង ឯកឧត្តម អ៊ុំ សារិទ្ធ ជាសមាជិកឧត្តមក្រុមប្រឹក្សានៃអង្គចៅក្រម ដោយមានសំឡេងគាំទ្រចំនួន ៥០សំឡេង នៃចំនួនសមាជិកព្រឹទ្ធសភាទាំងមូល។

    ព្រឹទ្ធសភា នៃព្រះរាជាណាចក្រកម្ពុជា បានបើកសម័យប្រជុំវិសាមញ្ញព្រឹទ្ធសភា នីតិកាលទី៤ នាថ្ងៃទី១២ ខែសីហា ឆ្នាំ២០១៩


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ អញ្ជើញជាអធិបតីភាពក្នុងកិច្ចប្រជុំគណៈកម្មាធិការលទ្ធកម្មព្រឹទ្ធសភា
    thumbnail
     
    ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងលោកជំទាវ ម៉ុ សណ្តាប់ សមាជិកា​គណៈកម្មការទី៨ ព្រឹទ្ធសភាបាន​រៀប​ចំ​ពិធី​សំណេះ​សំណាល​អបអរ​សាទរ​ទិវា​មនុស្ស​ចាស់​កម្ពុជា នៅសង្កាត់ព្រែកព្នៅ
    thumbnail
     
    ឯកឧត្តម ម៉ុម ជឹមហ៊ុយ ដឹកនាំកិច្ចប្រជុំក្រុមសមាជិកព្រឹទ្ធសភា (ក្រុមទី៤) ដើម្បីពិនិត្យសេចក្តីព្រាងច្បាប់សំខាន់ៗចំនួន ៣
    thumbnail
     
    ឯកឧត្តម ជឹម លាវ សមាជិកគណៈកម្មការទី១ និងលោកជំទាវ ស៊ី វណ្ណថា សមាជិកាគណៈកម្មការទី៩ បានអញ្ជើញចុះសួរសុខទុក្ខ និងស្វែងយល់ពីការអនុវត្តការងាររបស់ឃុំ និងភូមិទាំង១០ ក្នុងឃុំត្រពាំងគរ ស្រុកជើងព្រៃ ខេត្តកំពង់ចាម
    thumbnail
     
    លោកជំទាវ ឃួន ឃុនឌី បានអញ្ជើញជាអធិបតីភាពក្នុងកិច្ចប្រជុំឆ្លងបញ្ជីផ្គូផ្គងបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំអាណត្តិទី៥ ឆ្នាំ២០២២