ល្ងាចថ្ងៃទី២៧ ខែមីនា ឆ្នាំ២០២៥ ឯកឧត្តម លី សារី សមាជិកគណៈកម្មការទី១ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះជួបសំណេះសំណាល និងសួរសុខទុក្ខប្រជាពលរដ្ឋស្ថិតក្នុងភូមិកំពង់កែស(ព្រែកចង្រុក) ឃុំត្រពាំងសង្កែ ស្រុកទឹកឈូខេត្តកំពត ដោយមានការចូលរួមពីសំណាក់ថ្នាក់ដឹកនាំខ្មែរឥស្លាមថ្នាក់ស្រុក ឃុំ និងគ្រួបង្រៀនខ្មែរឥស្លាមផងដែរ។
នៅយប់ថ្ងៃដដែលឯកឧត្តមបានអញ្ជើញទៅចូលរួមរំលែកមរណទុក្ខ និងគោរពវិញ្ញាណក្ខន្ធសពប្រជាពលរដ្ឋស្ថិតក្នុងភូមិថ្មី សង្កាត់ព្រៃធំ ក្រុងកែប ខេត្តកែប ដោយមានការចូលរួមពីសំណាក់ថ្នាក់ដឹកនាំខ្មែរឥស្លាមថ្នាក់ខេត្ត ក្រុង ស្រុក ឃុំ សង្កាត់ មកពីខេត្តកែប និងខេត្តកំពត គ្រូបង្រៀនខ្មែរឥស្លាម និងបងប្អូនប្រជាពលរដ្ឋយ៉ាងច្រើនកុះករផងដែរ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
