លោកជំទាវ ម៉ាណ ណាវី និងឯកឧត្តម ស្លេះ ពុនយ៉ាម៉ីន អញ្ជើញចូលរួមពិធីស្រាយបួសខែរ៉ាម៉ាឌន ជាមួយសាសនិកអ៉ិស្លាម ខេត្តកណ្តាល
នារសៀលថ្ងៃទី២៨ ខែមីនា ឆ្នាំ២០២៥ លោកជំទាវ ម៉ាណ ណាវី សមាជិកាក្រុមសមាជិកព្រឹទ្ធសភាប្រចាំភូមិភាគទី១ និងឯកឧត្តម ស្លេះ ពុនយ៉ាម៉ីន សមាជិកក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញចូលរួមពិធីស្រាយបួសខែរ៉ាម៉ាឌន ជាមួយសាសនិកអ៉ិស្លាម ខេត្តកណ្តាល ព្រមទាំងមានការអញ្ជើញចូលរួមពីសំណាក់ ឯកឧត្តម គួច ចំរើន អភិបាលខេត្ត នៃគណៈអភិបាលខេត្តកណ្ដាល ឯកឧត្តមតំណាងរាស្ត្រមណ្ឌលខេត្តកណ្តាល ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ផងដែរ កម្មវិធីនេះរៀបចំដោយរដ្ឋបាលខេត្តកណ្តាល នៅវិហារអាល់ អាហ្សីម ស្ថិតនៅ ភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល
