នារសៀលថ្ងៃទី ៣០ ខែមីនា ឆ្នាំ២០២៥
ឯកឧត្តម ស្លេះ ពុនយ៉ាមុីន សមាជិកក្រុម សមាជិកព្រឹទ្ធសភាប្រចាំភូមិភាគទី២ បានអញ្ជើញជួបសំណេះសំណាលជាមួយក្រុមប្រជាការពារ ភូមិរកាលើ និងរកាក្រោម សង្កាត់សំបួរមាស ក្រុងកំពង់ចាម ខេត្តកំពង់ចាម។

ឯកឧត្ដមបានបញ្ជាក់ថា ប្រជាការពារទាំងអស់ សម្រាប់ថ្នាក់ដឹកនាំនៅពេលនេះឬថ្នាក់ដាក់នាំនៅជំនាន់ក្រោយៗទៀត គឺនៅតែគាំទ្រ និងលើកទឹកចិត្តបងៗ ពូៗ រហូត ដោយសារតែ បងៗ និងពូៗទាំងអស់នេះហើយជាអ្នកលះបង់ទាំងកម្លាំងកាយ ចិត្ត ដើម្បីការពារសន្តិសុខ សណ្ដាប់ធ្នាប់ សុវត្ថិភាព ជូនបងប្អូនប្រជាពលរដ្ឋ និងជាអ្នកការពារសណ្តាប់ធ្នាប់ សុខសុវត្ថភាពក្នុងការដើរលេងកំសាន្តដោយភាពសប្បាយរីករាយ មិនមានការព្រួយបារម្ភ។ ជាក់ស្តែងប្រជាការពារបានលះបង់ពេលវេលាផ្ទាល់ខ្លួន កម្លាំងកាយចិត្ត ហើយស្ម័គ្រចិត្តរួមចំណែកជួយសម្រួលដល់កម្លាំងអាជ្ញាធរមូលដ្ឋាន ឃុំ សង្កាត់ ក្រុង និងខេត្ត ។

ដោយសម្លឹងឃើញការលះបង់និងតស៊ូរបស់ក្រុមប្រជាការពារ ឯកឧត្តម ក៏បានឧបត្ថមថវិកាដល់ពួកគាត់ចំនួន១៣នាក់ ក្នងម្នាក់ៗទទួលបានថវិកា ២០០,០០០រៀល ដោយសរុបទាំងអស់ ២,៦០០,០០០រៀល ។