នាព្រឹកថ្ងៃចន្ទ ៣កើត ខែមិគសិរ ឆ្នាំច សំរឹទិ្ធស័ក ព.ស.២៥៦២ ត្រូវនឹងថ្ងៃទី១០ ខែធ្នូ ឆ្នាំ២០១៨ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសាទរទិវាសិទ្ធិមនុស្សអន្តរជាតិ ១០ធ្នូ ឆ្នាំ២០១៨ ក្រោមប្រធានបទ រួមគ្នាថែរក្សាសន្តិភាព ដើម្បីលើកម្ពស់សិទ្ធិមនុស្ស ដោយសហការរៀបចំដោយព្រឹទ្ធសភា-រដ្ឋសភា គណៈកម្មាធិការសិទ្ធិមនុស្សកម្ពុជា និងសាលារាជធានីភ្នំពេញ ដោយមានការចូលរួមពីសំណាក់សមាជិក សមាជិកាព្រឹទ្ធសភា-រដ្ឋសភា មន្រ្តីរាជការ កងកម្លាំងប្រដាប់អាវុធ តំណាងសហគមន៍ តំណាងអង្គការជាតិ និងអន្តរជាតិ ប្រជាពលរដ្ឋ និងសិស្ស និស្សិត។
ពិធីនេះប្រព្រឹត្តទៅតាមកម្មវិធីរួមមាន៖
១-ព្រះសង្ឃស្វាធ្យាយជយន្តោ
២-គោរពភ្លេងជាតិនៃព្រះរាជាណាចក្រកម្ពុជា
៣-ការសម្តែងជូននូវរបាំជូនពរ
៤-សុន្ទរកថា ស្វាគមន៍របស់ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នពេញ
៥-ការបង្ហាញជូននូវក្បាច់គុនល្បុក្កតោ
៦-សុន្ទរកថា ឯកឧត្តម កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និជាប្រធាន គ.ស.ម.ក
៧-ការបង្ហាញជូននូវក្បាច់គុនតេក្វាន់ដូ
៨-ការចាក់បញ្ចាំងវីដេអូខ្លី
៩-សុន្ទរកថា ដ៏ខ្ពង់ខ្ពស់របស់សម្តេចវិបុលសេនាភក្តី សាយ ឈ៉ំ ប្រធានព្រឹទ្ធសភា នៃព្រះរាជាណាចក្រកម្ពុជា
១០-បិទកម្មវិធីអបអរសាទរទិវាសិទ្ធិមនុស្សអន្តរជាតិ ១០ធ្នូ ឆ្នាំ២០១៨។
