រសៀលថ្ងៃអង្គារ ទី៧ ខែឧសភា ឆ្នាំ២០២៥ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានសហការជាមួយសាខាកាកបាទក្រហមខណ្ឌទួលគោក រាជធានីភ្នំពេញ រួមជាមួយក្រុមប្រឹក្សាសង្កាត់ចំនួន៣ គឺសង្កាត់ផ្សារដេប៉ូទី១ ទី២ និងទី៣ ចុះជួបដល់ផ្ទះនិងឧបត្ថម្ភផ្ទាល់ដៃជាអង្ករ ថវិកា និងសម្ភារៈប្រើប្រាស់ ជូនបងប្អូនប្រជាពលរដ្ឋចាស់ជរា ពិការ និងមានជីវភាពខ្វះខាតចំនួន១៥គ្រួសារ ក្នុងមនោសញ្ចេតនាគោរពអាណិតស្រឡាញ់រាប់អានយ៉ាងស្និទ្ធស្នាលសប្បាយរីករាយក្រៃលែង។
