នារសៀលថ្ងៃទី៩ ខែឧសភា ឆ្នាំ២០២៥ លោកជំទាវ មុំ សណ្តាប់ សមាជិកាគណៈកម្មការទី៦ព្រឹទ្ធសភា និងជាសមាជិកាក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញជាអធិបតីភាព ក្នុងពិធីជួបសំណេះសំណាល សួរសុខទុក្ខប្រជាពលរដ្ឋមកពីភូមិទាំង៤ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ដែលមានអ្នកចូលរួមសរុបចំនួន ៥០នាក់។
ក្នុងឱកាសនេះផងដែរ លោកជំទាវ បានមានប្រសាសន៍ជាមួយបងប្អូនប្រជាពលរដ្ឋដូចជា៖១.ផ្សព្វផ្សាយដល់ប្រជាពលរដ្ឋដែលមានអត្តសញ្ញាណប័ណ្ណផុតសុពលភាព ឱ្យមកបន្តសុពលភាព។ ២.សូមប្រជាពលរដ្ឋអញ្ជើញពិនិត្យបញ្ជីឈ្មោះបោះឆ្នោត និងចុះឈ្មោះបោះឆ្នោតឆ្នាំ២០២៥(ចាប់ពីថ្ងៃទី១ ដល់ថ្ងៃទី២៦ ខែឧសភា ឆ្នាំ២០២៥)។ ជាមួយគ្នានេះដែរ លោកជំទាវ បានឧបត្ថម្ភថវិកាចំនួន ៥០០,០០០រៀល ជូនដល់ប្រជាពលរដ្ឋដែលបានចូលរួមក្នុងពិធីសំណេះសំណាលនេះ។
