រសៀលថ្ងៃសុក្រ ទី៩ ខែឧសភា ឆ្នាំ២០២៥ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានបន្តបញ្ចប់កម្មវិធីជាមួយសាខាកាកបាទក្រហមនិងក្មួយៗក្រុមការងារសសយក ខណ្ឌទួលគោករាជធានីភ្នំពេញរួមជាមួយក្រុមប្រឹក្សាសង្កាត់បានចំនួន៤ទៀតគឺសង្កាត់ទឹកល្អក់ទី១ទី២ទី៣និងបឹងកក់ទី១ដោយបានចុះជួបផ្ទាល់លោកតាលោកយាយ ចាស់ជរាពិការមានជម្ងឺ ចំនួន២០គ្រួសារ គឺសរុបរួមចំនួន៥០គ្រួសារសម្រាប់ខណ្ឌទួលគោកនៅក្នុងខែឧសភា។ ព្រមជាមួយនោះក្រុមការងារក៏បានព្យាយាម ផ្សព្វផ្សាយលើកទឹកចិត្ត សូមបងប្អូនប្រជាពលរដ្ឋអញ្ជើញទៅពិនិត្យបញ្ជីនិងចុះឈ្មោះបោះឆ្នោតរួមជាមួយការចូលរួមសម្ភាសន៌ធ្វើតារាង ក្រ១ ក្រ២ឬប័ណ្ណ បសស តាមការណែនាំរបស់ ក្រសួងមានសមត្ថកិច្ច ដើម្បីបានយកមកប្រើប្រាស់ក្នុងជីវភាពប្រចាំថ្ងៃ ស្របតាមគោលនយោបាយគាំពារសង្គមរបស់រាជរដ្ឋាភិបាលបំរើជូនប្រជាពលរដ្ឋ ឲ្យបានកាន់តែល្អប្រសើរកើនឡើងថែមទៀត៕
