នាព្រឹកថ្ងៃអង្គារ ទី២០ ខែឧសភា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ជំនួយការគណៈកម្មាធិការសមាជរដ្ឋសភា និងព្រឹទ្ធសភា និងជាប្រធានគណៈកម្មការទី៣នៃព្រឹទ្ធសភា បានដឹកនាំសមាជិកគណៈកម្មការទី៣នៃព្រឹទ្ធសភា មកចូលរួមប្រជុំរួមគ្នាជាមួយគណៈកម្មការទី៣នៃរដ្ឋសភា ដឹកនាំដោយឯកឧត្តមសន្តិបណ្ឌិត ឡូយ សុផាត ជំនួយការគណៈកម្មាធិការសមាជរដ្ឋសភា និងព្រឹទ្ធសភា និងជាប្រធានគណៈកម្មការទី៣នៃរដ្ឋសភា ជាមួយឥស្សរជនបច្ចេកទេសនៃក្រសួង-ស្ថាប័នពាក់ព័ន្ធ ដឹកនាំដោយឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដើម្បីពិនិត្យ និងពិភាក្សាលើសេចក្តីព្រាងរបាយការណ៍ និងសេចក្តីព្រាងសេចក្តីសម្រេចនៃប្រធានបទអំពីវិស័យកសិកម្ម នៅសាលប្រជុំព្រះវិហារ វិមានរដ្ឋសភា។