លោកជំទាវ មុំ សណ្តាប់ អញ្ជើញចូលរួមពិធីបុណ្យសពឯកឧត្តម អ៊ុំ ញ៉ាញ់
នាព្រឹកថ្ងៃទី៧ ខែមិថុនា ឆ្នាំ២០២៥ លោកជំទាវ មុំ សណ្តាប់ សមាជិកាគណៈកម្មការទី៦ព្រឹទ្ធសភា និងជាសមាជិកាក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញចូលរួមពិធីបុណ្យសពឯកឧត្តម អ៊ុំ ញ៉ាញ់ អតីតសមាជិករដ្ឋសភាមណ្ឌលភ្នំពេញ សម្រាប់នីតិកាលទី២ ទី៣ និងទី៤ និងជាទីប្រឹក្សាជាន់ខ្ពស់រដ្ឋសភាជាតិ ដែលបានទទួលមរណភាពនៅថ្ងៃទី៥ ខែមិថុនា ឆ្នាំ២០២៥ វេលាម៉ោង២:៣៤នាទីព្រឹក ក្នុងជន្មាយុ ៨៦ឆ្នាំ ដោយរោគាពាធ។
សពឯកឧត្តម ត្រូវបានតម្កល់ធ្វើបុណ្យតាមប្រពៃណីនៅគេហដ្ឋានផ្លូវបេតុង ភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅ។
