បន្ទាប់ពីជួបសំណេះសំណាលនិងចែកអំណោយជូនកងពលតូចអន្តរាគមន៍លេខ៨ រួចមក នាព្រឹកថ្ងៃទី១២ ខែមិថុនា ឆ្នាំ២០២៥ គណៈប្រតិភូព្រឹទ្ធសភា នៃព្រះរាជាណាចក្រកម្ពុជា ដឹកនាំដោយឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភា តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញចុះជួបសំណេះសំណាល សួរសុខទុក្ខ និងនាំយកថវិកា ស្បៀងអាហារ និងសម្ភារៈប្រើប្រាស់មួយចំនួន ទៅប្រគល់ជូនដល់កងកម្លាំងជួរមុខកំពុងឈរជើងនៅតាមបន្ទាត់ព្រំដែន នៅបញ្ជាការដ្ឋានកងអង្គរក្ស ស្ថិតក្នុងឃុំ ស្រអែម ស្រុកជាំក្សាន្ត ខេត្តព្រះវិហារ។
ពិធីនេះបានប្រព្រឹត្តទៅដោយមានការអញ្ជើញចូលរួមពីឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា សមាជិក សមាជិកាព្រឹទ្ធសភា ថ្នាក់ដឹកនាំ និងមន្ត្រីរាជការខុទ្ទការល័យថ្នាក់ដឹកនាំទាំង៣ព្រឹទ្ធសភា ថ្នាក់ដឹកនាំ មន្ត្រីរាជការនៃអគ្គលេខាធិការដ្ឋានព្រឹទ្ធសភាជាច្រើននាក់។
អំណោយប្រគល់ជូនដល់ទីបញ្ជាការដ្ឋានកងអង្គរក្សនាពេលនេះ រួមមាន៖
១.អង្ករចំនួន៥តោន
២.មីចំនួន៤០០កេស
៣. ត្រីខកំប៉ុងចំនួន៤០០យួរ
៤.ត្រីងៀតចំនួន១០០គីឡូ
៥.សៀងដបចំនួន៤០០ដប
៦.ទឹកស៊ីអ៊ីវចំនួន៤០០យួរ
៧.ទឹកត្រីចំនួន៤០០យួរ
៨.ទឹកសុទ្ធ(១៥០ml) ចំនួន៤០០កេស
៩.បារីចំនួន២០០សុង
១០.ថ្នាំពេទ្យ ២៨មុខ
១១. សៀងផ្អែម ចំនួន១០០ក្រឡ
១២.ឆៃប៉ូវផ្អែមចំនួន៥០គីឡូ ១៣.ត្រសក់ចាវចំនួន៥០គីឡូ
១៤.ថវិកា២០លានរៀល។
ប្រភព៖ នាយកដ្ឋានព័ត៌មាន
