នាថ្ងៃទី១២ ខែមិថុនា ឆ្នាំ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានអញ្ជើញសួរសុខទុក្ខ និងនាំយកថវិកា ដែលបានមកពីការចូលរួមឧបត្ថម្ភពី ថ្នាក់ដឹកនាំ សាស្រ្ដាចារ្យ និងនិស្សិតនៃសាកលវិទ្យាល័យរដ្ឋចំនួន២០ រួមទាំងថវិកាផ្ទាល់របស់ ឯកឧត្តមបណ្ឌិត ដើម្បីជូនគ្រួសារសពលោកព្រឹន្ទបាលឯក សួន រ៉ោន ស្ថិតនៅភូមិកំពេញ ឃុំយាង ស្រុកជាំក្សាន្ដ ខេត្តព្រះវិហារ។
ក្នុងឱកាសនោះ ឯកឧត្តមបណ្ឌិត បាននាំយកពាក្យផ្ដាំផ្ញើសួរសុខទុក្ខពី សម្ដេចតេជោ ប្រធានព្រឹទ្ធសភា ដែលជានិច្ចកាល សម្ដេចតេជោ តែងយកចិត្តទុក ដាក់ឧបត្ថម្ភគាំទ្រជានិច្ចដល់បងប្អូនយោធិន ដែលកំពុងឈរជើងការពារបូរណភាពទឹកដី។
ខ្លឹមសារ៖ ខុទ្ទកាល័យអនុប្រធានទី២ព្រឹទ្ធសភា
រូបភាព៖ នាយកដ្ឋានព័ត៌មាន
