លោកជំទាវ មាន សំអាន អញ្ជើញចុះសួរសុខទុក្ខគ្រួសារពលទាហានជួរមុខ ដែលឈរជើងនៅតំបន់ជាំស្រងាំ និងប្រសាទតាមាន់
នារសៀលថ្ងៃទី១២ ខែមិថុនា ឆ្នាំ២០២៥ ក្រុមសមាជិកាព្រឹទ្ធសភា ដឹកនាំដោយលោកជំទាវ មាន សំអាន ប្រធានក្រុមសមាជិកាព្រឹទ្ធសភា បានអញ្ជើញចុះសួរសុខទុក្ខ និងនាំយកថវិការរបស់ឯកឧត្តម អ៊ុច បូររិទ្ធ អនុប្រធានទី១ ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា និងក្រុមសមាជិកាព្រឹទ្ធសភា ប្រគល់ជូនលោកស្រី កាន ឡឹង ភរិយា និងកូនទាំង៦នាក់ របស់លោកព្រឹន្ទបាលឯក ភឿន ភីន ជាទាហានជួរមុខវរៈសេនាតូចលេខ៤០៣ ឈរជើងនៅតំបន់ជាំស្រងាំ និងប្រាសាទតាមាន់ ដែលមកស្នាក់នៅបណ្តោះអាសន្នជាមួយម្តាយ នៅភូមិកប់ថ្លុក ឃុំដំរីស្លាប់ ស្រុកកំពង់ស្វាយ ខេត្តកំពង់ធំ។
ក្នុងឱកាសនោះ លោកជំទាវប្រធានក្រុមសមាជិកាព្រឹទ្ធសភា បាននាំយកពាក្យផ្ដាំផ្ញើសួរសុខទុក្ខពី សម្ដេចតេជោប្រធានព្រឹទ្ធសភា ដែលជានិច្ចកាល សម្ដេចតេជោ តែងយកចិត្តទុក ដាក់ឧបត្ថម្ភគាំទ្រជានិច្ចដល់បងប្អូនយោធិន ដែលកំពុងឈរជើងការពារបូរណភាពទឹកដី…។
ប្រភព៖ នាយកដ្ឋានព័ត៌មាន
