ឯកឧត្តម ឡាយ សំកុល អគ្គលេខាធិការព្រឹទ្ធសភា ថ្នាក់ដឹកនាំអគ្គលេខាធិការដ្ឋានព្រឹទ្ធសភា និង ក្រុមការងារបច្ចេកទេសសាងសង់អាគារ បានអញ្ជើញចូលរួមកិច្ចប្រជុំពិនិត្យមើលវឌ្ឍនភាពដំណើរការសាងសងអាគារថ្មីនៃព្រឹទ្ធសភា ក្រោមអធិបតីភាពឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ និងជាប្រធានគណៈកម្មការសាងសង់អគារថ្មីនៃព្រឹទ្ធសភា នៅទីស្តីការក្រសួងការបរទេស នាព្រឹកថ្ងៃទី១៩ ខែមិថុនា ឆ្នាំ២០២៥។
បន្ទាប់មកគណៈកម្មការសាងសង់អគារថ្មីព្រឹទ្ធសភា បានអញ្ជើញចុះត្រួតពិនិត្យមើលវឌ្ឍនភាពនៃដំណើរការសាងសង់អគារថ្មី នៃព្រឹទ្ធសភាដោយផ្ទាល់ នៅវិមានព្រឹទ្ធសភា។
សូមជម្រាបថា អគារថ្មីនេះ មានទំហំ៧៩m x ៤៧m មានកម្ពស់ ៤ជាន់ ដែលត្រូវបានប្រារព្ធពិធីបញ្ចុះបឋមសិលាបើកការដ្ឋានសាងសង់ កាលពីថ្ងៃទី៩ ខែសីហា ឆ្នាំ២០២៤។
ប្រភព៖ នាយកដ្ឋានព័ត៌មាន
