khmer eng
  • ឯកឧត្តមទេព យុទ្ធី លេខាធិការក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញជួបសំណេះសំណាលជាមួយក្រុមប្រឹក្សាឃុំ ស្មៀន នាយប៉ុស្ដិ៍នគរបាលរដ្ឋបាលឃុំ និងថ្នាក់ដឹកនាំភូមិទាំងអស់ក្នុងឃុំស្ដេចគង់ខាងលិច ស្រុកបន្ទាយមាស ខេត្តកំពត
     
    ចែករំលែក ៖

    នាព្រឹកថ្ងៃចន្ទ ១១រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៨ ខែកុម្ភៈ ឆ្នាំ២០២១ ឯកឧត្តមទេព យុទ្ធី សមាជិកគណៈកម្មការទី៨ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ អមដំណើរដោយសមាជិកក្រុមប្រឹក្សាស្រុក លោកអភិបាលរងស្រុក លោកអធិការរង និងប្រធានការិយាល័យជំនាញមួយចំនួនចំណុះរដ្ឋបាលសាលាស្រុកបន្ទាយមាស ខេត្តកំពត បានអញ្ជើញជួបសំណេះសំណាលជាមួយក្រុមប្រឹក្សាឃុំ ស្មៀន នាយប៉ុស្ដិ៍នគរបាលរដ្ឋបាលឃុំ និងថ្នាក់ដឹកនាំភូមិទាំងអស់ក្នុងឃុំស្ដេចគង់ខាងលិច ស្រុកបន្ទាយមាស ខេត្តកំពត។

    មានប្រសាសន៍សំណេះសំណាលក្នុងឱកាសនោះ ឯកឧត្តម បានលើកទ្បើងផ្តោតសំខាន់នូវខ្លឹមសារចំនួន ៤ចំណុច រួមមាន ÷
    ១-ការផ្ដាំផ្ញើសាកសួរសុខទុក្ខរបស់ថ្នាក់ដឹកនាំព្រឹទ្ធសភា និងជម្រាបជូនអំពីរចនាសម្ព័ន្ធ តួនាទី ភារកិច្ច និងមុខងាររបស់ព្រឹទ្ធសភា។
    ២-សភាពការណ៍ទូទៅក្នុងពេលបច្ចុប្បន្នពាក់ព័ន្ធនឹងស្ថានភាពការរីករាលដាលនៃជំងឺកូវីដ-១៩ និងអំពីវិធានការបង្ការ ទប់ស្កាត់ និងប្រយុទ្ធប្រឆាំងនឹងជំងឺកូវីដ-១៩ នៅកម្ពុជា។
    ៣-ការបកស្រាយបំភ្លឺចំពោះបញ្ហាប្រឈម និងសំណូមពរ។
    ៤-កិច្ចការចាំបាច់ដែលត្រូវអនុវត្តន៍។

    ជាកិច្ចបញ្ចប់កម្មវិធី ឯកឧត្តម បានផ្តល់ជូននូវឯកសារពាក់ព័ន្ធតួនាទី ភារកិច្ច មុខងាររបស់ព្រឹទ្ធសភា និងឯកសារពាក់ព័ន្ធនឹងកិច្ចការរបស់រដ្ឋបាលឃុំជូនចំពោះលោកប្រធានក្រុមប្រឹក្សាឃុំ និងបានឧបត្ថម្ភអ្នកចូលរួមទាំងអស់ សរុបចំនួន ៣៣នាក់ ក្នុងម្នាក់ៗទទួលបាន ថវិកាចំនួន ២០ ០០០៛ និងក្រម៉ាមួយ ព្រមទាំងបានឧបត្ថម្ភកម្លាំងនគរបាលប៉ុស្តិ៍ ថវិកាចំនួន ១៥០ ០០០៛ ផងដែរ។


    អត្ថបទពាក់ព័ន្ធ
       អត្ថបទថ្មី
    thumbnail
     
    លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា បានអញ្ជើញចូលរួមប្រគល់ផ្ទះចំនួន ១០០ខ្នង ធ្វើពីដែកនិងស្មាតបត ប្រក់សង្ក័សី ទំហំ៥ម៉ែត្រ គុណ៧ម៉ែត្រ និងតសំយ៉ាប៣ម៉ែត្រ រួមនឹងបន្ទប់ទឹក១ ជាអំណោយរបស់ សម្តេចអគ្គមហាសេនាបតីតេជោ ហ៊ុន សែន
    thumbnail
     
    ឯកឧត្តម ជឹម លាវ បានអញ្ជើញចូលរួមជាកិត្តិយសក្នុងពិធីចែកសញ្ញាបត្រដល់និស្សិតសាលាសកលវិទ្យាលយ័សុខាភិបាលចំនួន៨០០នាក់
    thumbnail
     
    ឯកឧត្តមកិត្តិសេដ្ឋាបណ្ឌិត ជា ជេដ្ឋ បានអញ្ជើញជូនអង្ករ និងឧបត្តម្ភថវិកាដល់មន្រ្តីក្រោមឱវាទ
    thumbnail
     
    ឯកឧត្តម ឡាន់ ឆន អញ្ជើញជាកិត្តិយសក្នុងពិធីសម្ភោធឧបដ្ឋានសាលា និងសមិទ្ធផលនានា នៅវត្តសុវណ្ណគីរី ហៅវត្តជៀស
    thumbnail
     
    សារលិខិតជូនពរ របស់ សមាជិក សមាជិកា គណៈកម្មការទី៩ ព្រឹទ្ធសភា គោរពជូន ឯកឧត្តម ជា សុផារ៉ា ក្នុងឧិកាសចម្រើនជន្មាយុ