នាថ្ងៃអង្គារ ទី២៩ ខែកក្កដា ឆ្នាំ២០២៥ វេលាម៉ោង១៤:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញចូលរួមប្រជុំប្រចាំខែកក្កដា ឆ្នាំ២០២៥ ជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ រួមជាមួយប្រធានភូមិទាំង១៣ ដែលបានខិតខំបំពេញការងារយ៉ាងសកម្ម។ ចំពោះទិសដៅសម្រាប់ខែសីហា ឆ្នាំ២០២៥ គឺ១-បន្តយកចិត្តទុកដាក់លើការងារភូមិ សង្កាត់ មានសុវត្ថិភាពឲ្យបានព្រមគ្នាជាមួយការងារសប្បុរសធម៌ជួយផ្គត់ផ្គង់ជូនក្រុមគ្រួសារយុទ្ធជន និងបងប្អូនប្រជាពលរដ្ឋដែលរងគ្រោះដោយការឈ្លានពានតាមខ្សែបន្ទាត់ព្រំដែន ២-បន្តការងារចុះសម្ភាសន៍គ្រួសារដែលស្នើសុំប័ណ្ណក្រីក្រ ប័ណ្ណងាយរងហានិភ័យ ៣-បន្តការផ្សព្វផ្សាយកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ, ការអនុវត្តឧបត្ថម្ភផ្តល់សាច់ប្រាក់ដល់សិស្សានុសិស្សក្នុងគ្រួសារមានប័ណ្ណសមធម៌ នៃកម្មវិធីជាតិជំនួយសង្គមក្នុងកញ្ចប់គ្រួសារ, កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមាអាយុក្រោម២ឆ្នាំ។ ព្រមជាមួយនោះ ឯកឧត្តមក៏បានជួយឧបត្ថម្ភថវិកាប្រចាំខែសីហា ជូនសមាគមថែទាំសុខភាពមនុស្សចាស់ក្នុងបរិយាកាសគោរពស្រឡាញ់ស្និទ្ធស្នាលរីករាយក្រៃលែង។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
