នារសៀលថ្ងៃទី៣១ ខែកក្កដា ឆ្នាំ២០២៥ ដឹកនាំដោយលោកជំទាវ មាន សំអាន ប្រធានក្រុមសមាជិកព្រឹទ្ធសភាប្រចាំភូមិភាគទី៦ ឯកឧត្តម ឈួន ឡេង លេខាធិការក្រុម ឯកឧត្តម ទឹម ផន សមាជិកក្រុម និងសម្តេចរាជបុត្រីព្រះអនុជ នរោត្តម អរុណរស្មី សមាជិកាក្រុមសមាជិកាព្រឹទ្ធសភា បានយាង និងអញ្ជើញគោរពវិញ្ញាណក្ខន្ធ សព លោក សំរិត ព្រី ដែលបានពលីជីវិតក្នុងបុព្វហេតុប្រយុទ្ធលើសមរភូមិជាមួយសៀមឈ្លានពាន ដើម្បីការពារបូរណភាពទឹកដី ដោយបានរៀបចំធ្វើបុណ្យនៅគេហដ្ឋានគ្រួសារសព ស្ថិតនៅភូមិកគោ ឃុំបន្ទាយចក្រី ខេត្តព្រៃវែង។
នាឱកាសនោះ លោកជំទាវបាននាំយកសម្ភារមួយចំនួន និងបច្ច័យរបស់ក្រុមសមាជិកព្រឹទ្ធសភាប្រចាំភូមិភាគទី៦ ទៅចូលបុណ្យចំនួន១,៧០០,០០០ រៀល។
ប្រភព៖ ការិយាល័យជំនួយការគណៈកម្មការទី៦ព្រឹទ្ធសភា
