នាព្រឹកថ្ងៃទី៣ ខែសីហា ឆ្នាំ២០២៥ ឯកឧត្តម ងី ច័ន្រ្ទផល ប្រធានគណៈកម្មការទី១ព្រឹទ្ធសភា រួមជាមួយឯកឧត្តម ជឹម លាវ លេខាធិការគណៈកម្មការទី១ព្រឹទ្ធសភា បានអញ្ជើញចូលរួមពិធីបុណ្យសព ឯកឧត្តម នូ ភឿង ទីប្រឹក្សាប្រឹក្សារាជរដ្ឋាភិបាល និងជាអតីតអភិបាល នៃគណៈអភិបាលខេត្តក្រចេះ ដែលបានទទួលមរណភាពកាលពីថ្ងៃ១ ខែសីហា ឆ្នាំ២០២៥ នៅវេលាម៉ោង៨:៤២នាទីយប់ ក្នុងជន្នាយុ៨០ឆ្នាំ ដោយជរាពាធ។
ពិធីបុណ្យប្រារព្ធធ្វើនៅគេហដ្ឋាននៃសព ផ្ទះលេខ៧៥៦ ផ្លូវលេខ៥ ស្ថិតនៅភូមិវត្ត សង្កាត់ក្រចេះ ក្រុងក្រចេះ ខេត្តក្រចេះ។
ប្រភព៖ ការិយាល័យជំនួយការគណៈកម្មការទី១ព្រឹទ្ធសភា
សម្រួលខ្លឹមសារ៖ នាយកដ្ឋានព័ត៌មាន
