នារសៀលថ្ងៃទី៥ ខែសីហា ឆ្នាំ ២០២៥ ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា និងជាប្រធានសមាជិកព្រឹទ្ធសភាប្រចាំភូមិភាគទី១ បានអញ្ជើញដឹកនាំក្រុមសមាជិកព្រឹទ្ធសភាប្រចាំភូមិភាគទី១(រាជធានីភ្នំពេញ) បានអញ្ជើញដឹកនាំក្រុមសមាជិកព្រឹទ្ធសភាប្រចំាភូមិភាគទី១ ចូលរួមគោរពវិញ្ញាណក្ខន្ធ និងឧបត្ថម្ភថវិកាដល់គ្រួសាររបស់ លោកវរសេនីយ៍ត្រី លៀម សំពៅមាស មន្រ្តីប៉ុស្តិ៍នគរបាលការពារព្រំដែនគោកអានសេះ នៃវរសេនាតូច នគរបាលការពារព្រំដែនគោកលេខ ៧៩៣ និងលោកអនុសេនីយ៍ឯក ពោ វៃ បម្រើការងារនៅកងពលតូចលេខ៨ កងពលធំលេខ៣ ដោយបានពលីក្នុងសមរភូមិការពារអធិបតេយ្យ និងបូរណភាពជាតិ នៅគេហដ្ឋានក្នុងសង្កាត់ព្រែកឯង និងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
ក្នុងខណៈពេលដ៏សោកសង្វេងប្រកបដោយក្តីទុក្ខព្រួយនេះ ឯកឧត្តមបណ្ឌិត ក៏បានពាំនាំនូវពាក្យផ្ដាំផ្ញើសួរសុខទុក្ខពីសំណាក់សម្តេចតេជោ ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជាមួយក្រុមគ្រួសារសព ចំពោះការបាត់បង់ស្វាមី បិតា ជីតា ប្រកបដោយព្រហ្មវិហារធម៌ និងជាទីគោរពស្រឡាញ់បំផុត។
ខ្លឹមសារ៖ ការិយាល័យអមក្រុមសមាជិកព្រឹទ្ធភាប្រចាំភូមិភាគទី១
រូបភាព៖ នាយកដ្ឋានព័ត៌មាន
