ឯកឧត្តម សាន់ ឡាទីន អញ្ជើញគោរពវិញ្ញាណក្ខន្ធលោកអនុសេនីយ៍ឯក ប្រាក់ ពិសិទ្ធ ដែលបានពលីជីវិតលើសមរភូមិជាមួយសៀមឈ្លានពាន
នាព្រឹកថ្ងៃសៅរ៍ ទី៩ ខែសីហា ឆ្នាំ២០២៥ ឯកឧត្តម សាន់ ឡាទីន សមាជិកក្រុម តំណាងឱ្យក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញគោរពវិញ្ញាណក្ខន្ធលោកអនុសេនីយ៍ឯក ប្រាក់ ពិសិទ្ធ នៃកងពលតូចអន្តរាគមន៍លេខ៨ កងពលធំអន្តរាគមន៍លេខ៣ នៃកងទ័ពជើងគោក ដែលបានពលីក្នុងសមរភូមិ ត្រូវបានបញ្ជូនមកដល់ស្រុកកំណើត និងរៀបចំពិធីតាមប្រពៃណី សាសនាអ៉ិស្លាម ដែលស្ថិតក្នុងភូមិឈើទាលភ្លោះ ឃុំព្រែកសាម៉ាន់ ស្រុកឆ្លង ខេត្តក្រចេះ។
ស្ថិតក្នុងឱកាសដ៏ក្រៀមក្រំនេះ ឯកឧត្តម និងក្នុងនាមក្រុមសមាជិកព្រឹទ្ធសភាប្រចាំភូមិភាគទី៨ សូមចូលរួមមរណទុក្ខជាមួយក្រុមគ្រួសារសព ព្រមទាំងយុទ្ធមិត្ត នៃអង្គភាពដែលបានបាត់បង់ស្វាមី ឪពុក សាច់ញាតិ ក៏ដូចជាយុទ្ធមិត្តជាទីគោរពស្រលាញ់ក្នុងពេលនេះ។
សូមបួងសួងដល់វិញ្ញាណក្ខន្ធសព បានសោយសុខក្នុងសុគតិភពកុំបីឃ្លៀងឃ្លាត ឡើយ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៨
