នារសៀលថ្ងៃអាទិត្យទី១០ ខែសីហា ឆ្នាំ២០២៥ ឯកឧត្តម សាន់ ឡាទីន សមាជិកក្រុមសមាជិកព្រឹទ្ធសភាប្រចាំភូមិភាគទី៨ និងជាអ៉ីម៉ាំខេត្តក្រចេះ បានអញ្ជើញដឹកនាំក្រុមការងារគណៈអ៉ីម៉ាំខេត្ត ចុះសួរសុខទុក្ខ និងសំណេះសំណាលជាមួយក្រុមគ្រួសារសពលោកអនុសេនីយ៍ឯក ប្រាក់ ពិសិទ្ធ នៃកងពលតូចអន្តរាគមន៍លេខ៨ កងពលធំអន្តរាគមន៍លេខ៣ នៃកងទ័ពជើងគោក ដែលបានពលីក្នុងសមរភូមិ។
នាឱកាសដ៏ក្រៀមក្រំនេះ ឯកឧត្តម និងក្នុងនាមប្រធានគណៈអ៉ីម៉ាំខេត្តក្រចេះ ក៏បាននាំយកថវិកាសាសនិកអ៉ិស្លាមខេត្តក្រចេះចំនួន ៣,០៨៥,០០០រៀល និងគ្រឿងឧបភោគបរិភោបមួយចំនួនទៀត ប្រគល់ជូនក្រុមគួសារសព ដែលស្ថិតក្នុងភូមិឈើទាលភ្លោះ ឃុំព្រែកសាម៉ាន់ ស្រុកឆ្លង ខេត្តក្រចេះ។ទន្ទឹមនឹងនេះ ឯកឧត្តមបានចូលរួមមរណទុក្ខជាមួយក្រុមគ្រួសារសព ព្រមទាំងយុទ្ធមិត្ត នៃអង្គភាពដែលបានបាត់បង់ស្វាមី ឪពុក សាច់ញាតិ ក៏ដូចជាយុទ្ធមិត្តជាទីគោរពស្រលាញ់ក្នុងពេលនេះ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៨
