នាព្រឹកថ្ងៃទី២៦ ខែសីហា ឆ្នាំ២០២៥ លោកជំទាវ ម៉ាណ ណាវី សមាជិកាក្រុមសមាជិកព្រឹទ្ធសភាប្រចាំភូមិភាគទី១ អមដំណើរដោយលោកជំទាវ ម៉ាន ចិន្តា រដ្ឋលេខាធិការក្រសួងកិច្ចការនារី និងលោកជំទាវ ភរិយាឯកឧត្តមនៅតាមក្រសួងនានាមួយចំនួន បានអញ្ជើញសួរសុខទុក្ខ និងនាំយកថវិកាសម្រាប់អាហារ សម្ភារៈប្រើប្រាស់មួយចំនួនជូនវីរយុទ្ធជនរងរបួសដែលកំពុងសម្រាកព្យាបាលនៅមន្ទីរពេទ្យព្រះកុសុមៈ(ពេទ្យលោកសង្ឃ) និងមន្ទីរពេទ្យសូវៀតចំនួន១៦នាក់ ក្នុងម្នាក់ទទួលបាន ថវិកាចំនួន ៤៧០,០០០រៀល (៤៧មុឺនរៀល) និងកញ្ចប់សម្រាប់អាហារ ព្រមទាំងសម្ភារៈប្រើប្រាស់មួយចំនួនផងដែរ។
សូមបញ្ជាក់ផងដែរ ថវិកាដែលបានយកជូនវីរយុទ្ធជនរងរបួសគឺទទួលបានមកពី Islamic Center of Santa Ana នៅរដ្ឋកាលីហ្វ័រញ៉ានៃសហរដ្ឋអាមេរិក តាមរយៈសមាគមអភិវឌ្ឍន៍នារីអ៉ិស្លាមកម្ពុជា និងលោកជំទាវ ម៉ាណ ណាវី លោកជំទាវអមដំណើរផងដែរ។
ប្រភព៖ ក្រុមជំនួយការលោកជំទាវ ម៉ាណ ណាវី
សម្រួលខ្លឹមសារ៖ នាយកដ្ឋានព័ត៌មាន
