នារសៀលថ្ងៃទី២៩ ខែសីហា ឆ្នាំ២០២៥ នៅបន្ទប់ប្រជុំគណៈកម្មការទី៨រដ្ឋសភា លោកជំទាវបណ្ឌិត អ៊ុក ម៉ាលី និងលោកជំទាវ ម៉ាណ ណាវី សមាជិកាព្រឹទ្ធសភា បានអញ្ជើញចូលរួមកិច្ចប្រជុំត្រៀម នៃគណៈកម្មាធិការនៃសមាជិកសភាស្រ្តីអាយប៉ា (WAIPA) ដឹកនាំដោយ លោកជំទាវ ឡោក ខេង ប្រធានគណ:កម្មការទី៨រដ្ឋសភា និងជាប្រធានគណៈប្រតិភូគណៈកម្មាធិការសភាស្រ្តីអាយប៉ា(WAIPA) កម្ពុជា ដើម្បីពិនិត្យ និងពិភាក្សាលើសេចក្តីព្រាងសេចក្តីសម្រេចទាំង៥ ដើម្បីត្រៀមលក្ខណៈចូលរួមមហាសន្និបាតអន្តរសភាអាស៊ានលើកទី៤៦ ដែលនឹងប្រព្រឹត្តទៅនៅទីក្រុងគូឡាឡាំពួ ប្រទេសម៉ាឡេស៊ី ចាប់ពីថ្ងៃ១៦-២២ ខែកញ្ញា ឆ្នាំ២០២៥ ខាងមុខនេះ។
ប្រភព៖ នាយកដ្ឋានទំនាក់ទំនងអន្តរជាតិ
