នាព្រឹក ថ្ងៃព្រហស្បតិ៍ ៧កើត ខែផល្គុន ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៨ ខែកុម្ភៈ ឆ្នាំ២០២១ ឯកឧត្តម ប្រាក់ ចំរើន អនុប្រធានគណៈកម្មការទី៨ និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៣ (ខេត្តកណ្តាល) បានអញ្ជើញជួបសំណេះសំណាលនិងសាកសួរសុខទុក្ខជាមួយក្រុមប្រឹក្សាឃុំ ស្មៀន នាយប៉ុស្ដិ៍នគរបាលរដ្ឋបាលឃុំខ្ពបអាទាវ ស្រុកលើកដែក ខេត្តកណ្តាល ។ ដើម្បីស្តាប់របាយការណ៍ ស្តីពីវឌ្ឍនភាពលើការងារភូមិ ឃុំ សង្កាត់មានសុវត្ថិភាព និងការងារបម្រើសេវាសាធារណៈជូនបងប្អូនប្រជាពលរដ្ឋ បញ្ហាប្រឈម និងសំណូមពរផ្សេងៗ ។ ក្នុងពិធីសំណេះសំណាល ឯកឧត្តមបានលើកទ្បើងនូវខ្លឹមសារសំខាន់ៗមួយចំនួន រួមមាន៖
១.ការផ្ដាំផ្ញើសាកសួរសុខទុក្ខរបស់ថ្នាក់ដឹកនាំព្រឹទ្ធសភា
២.ការណែនាំអំពីតួនាទី ភារៈកិច្ចរបស់ព្រឹទ្ធសភា។
៣.ការចូលរួមអនុវត្តន៍តាមវិធានការថ្មីរបស់ក្រសួងសុខាភិបាល តាមដាន ត្រួតពិនិត្យ ការធ្វើចត្តាឡីស័កចំពោះពលករចំណាកស្រុក ឲ្យបានត្រឹមត្រូវ និងការរក្សាគម្លាតសុវត្ថិភាព ពាក់ម៉ាស និងសំអាតដៃដោយសាប៊ូ ឬបាញ់អាកុលឲ្យបានជាប់ជាប្រចាំ ។
៤.អំពីគោលនយោបាយទាំង៧ចំណុចថ្មី ” ភូមិ ឃុំ សង្កាត់ មានសុវត្តិភាព ” ។
៥.ការបម្រើសេវាសាធារណៈជូនបងប្អូនប្រជាពលរដ្ឋឲ្យបានល្អ ដើម្បីទទួលបានជ័យជំនៈក្នុងការបោះឆ្នោតក្រុមប្រឹក្សាឃុំ សង្កាត់ ឆ្នាំ២០២២ នាពេលដ៏ខ្លីខាងមុខនេះ ។
ក្នុងឪកាសនោះ ឯកឧត្តម បានឧបត្ថម្ភនូវថវិកាមួយចំនួនជូនដល់ក្រុមប្រឹក្សាឃុំ មេប៉ុស្ត៍ ស្មៀន និងជំនួយការឃុំ ផងដែរ ។
