khmer eng
  • ក្រុមសមាជិកព្រឹទ្ធសភាប្រចាំភូមិភាគទី៦ ជួបសំណេះសំណាលជាមួយក្រុមប្រឹក្សាឃុំកញ្ច្រៀច និងឃុំថ្មពូន ក្នុងស្រុកកញ្ច្រៀច ខេត្តព្រៃវែង
     
    ចែករំលែក ៖

    ក្នុងការបំពេញតួនាទីភាពជាតំណាង ក្នុងការប្រាស្រ័យទាក់ទងជាមួយក្រុមប្រឹក្សាឃុំ និងដើម្បីឈ្វេងយល់អំពីការអនុវត្តតួនាទី ភារកិច្ចរបស់ក្រុមប្រឹក្សាឃុំ ការផ្តល់សេវាសាធារណៈជូនប្រជាពលរដ្ឋ និងការអភិវឌ្ឍមូលដ្ឋាន ក្រុមសមាជិកព្រឹទ្ធសភាប្រចាំភូមិភាគទី៦ ដឹកនាំដោយលោកជំទាវ មាន សំអាន ប្រធានក្រុម និងជាប្រធានគណៈកម្មការទី៨ ព្រឹទ្ធសភា បានអញ្ជើញជួបសំណេះសំណាលជាមួយអាជ្ញាធរស្រុក ក្រុមប្រឹក្សាឃុំ ស្មៀន និងនាយប៉ុស្តិ៍នគរបាលរដ្ឋបាលឃុំកញ្ច្រៀច និងឃុំថ្មពូន ស្រុកកញ្ច្រៀច ខេត្តព្រៃវេង សរុបចំនួន ៣២នាក់ ដើម្បីផ្សព្វផ្សាយសមិទ្ធផលសំខាន់ៗរបស់ព្រឹទ្ធសភា តួនាទី ភារកិច្ចរបស់សមាជិកព្រឹទ្ធសភាប្រចាំភូមិភាគ ផ្សព្វផ្សាយវិធានការណ៍ការពារទប់ស្កាត់វីរុសកូវីដ-១៩ និងក្តាប់បញ្ហាប្រឈម ព្រមទាំងសំណូមពរនានារបស់ក្រុមប្រឹក្សាឃុំ និងថ្នាក់មូលដ្ឋាន នៅសាលប្រជុំសាលាឃុំកញ្ច្រៀច ស្រុកកញ្ច្រៀច ខេត្តព្រៃវែង នាព្រឹកថ្ងៃទី១៨ ខែកុម្ភៈ ឆ្នាំ២០២១។ ជាមួយគ្នានេះ ក្រុមសមាជិកព្រឹទ្ធសភាប្រចាំភូមិភាគទី៦ ក៏បានឧបត្ថមថវិកាដល់ឃុំទាំងពីរ ដោយក្នុងមួយឃុំថវិកា ៥០ម៉ឺនរៀល។

    បន្ទាប់មក ក្រុមសមាជិកព្រឹទ្ធសភាប្រចាំភូមិភាគទី៦ ក៏បានបន្តអញ្ជើញចុះជួបសំណេះសំណាលសួរសុខទុក្ខ និងនាំយកអំណោយមួយចំនួនចែកជូនដល់ប្រជាពលរដ្ឋក្រីក្រចំនួន ១០គ្រួសារផងដែរ ស្ថិតនៅក្នុងភូមិកញ្ច្រៀច ឃុំកញ្ច្រៀច ស្រុកកញ្ច្រៀច ខេត្តព្រៃវែង ដោយក្នុងមួយគ្រួសារៗទទួលបានមី០១កេស ត្រីខ០១យួរ សៀង០១កែវ ឆៃប៉ូវ០១កញ្ចប់ និងថវិកា ៥ម៉ឺនរៀល៕


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ជឹម លាវ បានអញ្ជើញចូលរួមប្រជុំជាមួយក្រុមប្រឹក្សាស្រុក និងអភិបាលស្រុកជើងព្រៃ
    thumbnail
     
    ឯកឧត្ដម អន ស៊ុំ និងឯកឧត្តម ឈើយចាន់ណា បានរួមគ្នាអញ្ជើញនាំយកអំណោយរបស់ឯកឧត្តមនាយឧត្ដមសេនីយ៍ កែ គឹមយ៉ាន ឧបនាយករដ្ឋមន្ត្រី និងលោកជំទាវ ជាទេយ្យវត្ថុមួយ​ចំនួន ទៅប្រគេនព្រះគ្រូចៅអធិការវត្ត ពោធ្យារាមអង្គាបុស្ប ខេត្តបន្ទាយមានជ័យ
    thumbnail
     
    ឯកឧត្តមកិត្តិសង្គហបណ្ឌិត ទេព ងន ដឹកនាំគណៈប្រតិភូព្រឹទ្ធសភា អញ្ជើញគោរពវិញ្ញាណក្ខន្ធព្រះបរមរតនកោដ្ឋ
    thumbnail
     
    ក្រុមសមាជិកាព្រឹទ្ធសភាបន្តចូលរួមវេទិកាអាស៊ី-អឺរ៉ុប ស្តីពីស្ត្រី សន្តិភាព និងសន្តិសុខ តាមប្រព័ន្ធនិម្មិត
    thumbnail
     
    អគ្គលេខា​ធិការ​ដ្ឋាន​ព្រឹទ្ធសភា​ប្រជុំ​បូក​សរុប​លទ្ធផល​ការងារ​រយៈ​ពេល ៩ខែ​ឆ្នាំ២០២១ តាមប្រព័ន្ធនិម្មិត