គណៈប្រតិភូក្រុមសមាជិកព្រឹទ្ធសភាប្រចាំភូមិភាគទី៦ (ខេត្តព្រៃវែង និងខេត្តស្វាយរៀង) ដឹកនាំដោយលោកជំទាវ មាន សំអាន ប្រធានក្រុម បានអញ្ជើញជួបពិភាក្សាការងារជាមួយអាជ្ញាធរខេត្តព្រៃវែង ដឹកនាំដោយឯកឧត្តម សួន សុម៉ាលីន អភិបាល នៃគណៈអភិបាលខេត្ត នារសៀលថ្ងៃទី៣ ខែកញ្ញា ឆ្នាំ២០២៥ នៅសាលាខេត្តព្រៃវែង។

ក្នុងឱកាសនោះ លោកជំទាវប្រធានក្រុម បានពាំនាំនូវការផ្តាំផ្ញើសួរសុខទុក្ខប្រកបដោយសេចក្តីនឹករលឹកពីសំណាក់ថ្នាក់ដឹកនាំព្រឹទ្ធសភា និងបានគូសបញ្ជាក់អំពីគោលបំណងរបស់ក្រុមសមាជិកព្រឹទ្ធសភាប្រចាំភូមិភាគទី៦ ចុះជួបនាពេលនេះ គឺដើម្បីទទួលបានព័ត៌មានសំខាន់ៗអំពី សភាពការណ៍ដែលកើតមាននៅតាមសមរភូមិព្រំដែនកម្ពុជា-ថៃ តើក្នុងខេត្តព្រៃវែង មានកងទ័ពពលី និងរបួស ព្រមទាំងកំពុងឈរជើងក្នុងសមរភូមិព្រំដែនប្រទេសកម្ពុជា-ថៃមានប៉ុន្មាននាក់? និងគ្រួសារបងប្អូនកងទ័ពនៅក្នុងខេត្ត និងតាមតំបន់ភៀសសឹកមានប៉ុន្មានគ្រួសារ។ ទន្ទឹមនឹងនេះ ពលករដែលត្រឡប់ពីប្រទេសថៃវិញមានប៉ុន្មាននាក់ ហើយខេត្តបានចាត់វិធានការណ៍យ៉ាងដូចម្តេចសម្រាប់ពលករវិលត្រឡប់ពីថៃវិញ ដោយខេត្តមានគោលការណ៍យ៉ាងណាក្នុងការដោះស្រាយចំពោះបញ្ហាកងទ័ព គ្រួសារកងទ័ព និងពលករចំណាកស្រុកមកពីប្រទេសថៃ ក៏ស្វែងយល់នូវបញ្ហាប្រឈមផ្សេងទៀតដែលអាជ្ញាធរខេត្តស្វាយរៀងជួបផលវិបាកក្នុងការអនុវត្តការងារ ដើម្បីពិភាក្សារួមគ្នារិះរកវិធីដោះស្រាយ តាមសមត្ថកិច្ច និងតាមលទ្ធភាពជាក់ស្តែង។

បន្ទាប់ពីបានស្តាប់របាយការណ៍ និងពិភាក្សាគ្នាយ៉ាងល្អិតល្អន់ លោកជំទាវប្រធានក្រុម បានវាយតម្លៃខ្ពស់ចំពោះប្រសិទ្ធភាពការងារ របស់អាជ្ញាធរខេត្តព្រៃវែងគ្រប់ជាន់ថ្នាក់…។

ប្រភព៖ នាយកដ្ឋានព័ត៌មាន