នាព្រឹកថ្ងៃពុធ ទី១០ ខែកញ្ញា ឆ្នាំ២០២៥ គណៈប្រតិភូគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា (គណៈកម្មការទី៥) ដឹកនាំដោយឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ បានអញ្ជើញជួបពិភាក្សាការងារជាមួយរដ្ឋបាលខេត្តរតនគិរី ដឹកនាំដោយឯកឧត្តម ញ៉ែម សំអឿន អភិបាលនៃគណៈអភិបាលខេត្តរតនគិរី ដើម្បីឈ្វេងយល់៖
១.ការងារអន្តោប្រវេសន៍ និងវឌ្ឍនភាពនៃការអនុវត្ដច្បាប់អន្ដោប្រវេសន៍
២.ការងារព័ត៌មាន វឌ្ឍនភាពនៃការអនុវត្តច្បាប់សារព័ត៌មាន ការគ្រប់គ្រងប្រព័ន្ធផ្សព្វផ្សាយព័ត៌មានដូចជា៖ វិទ្យុ ទូរទស្សន៍ ព័ត៌មានអនឡាញ និងព័ត៌មានទាន់ហេតុការណ៍។
៣.កិច្ចសហប្រតិបត្តិការ ការអភិវឌ្ឍលើវិស័យនានារបស់ខេត្តរតនគិរី ពង្រឹងទំនាក់ទំនងកាន់តែជិតស្និទ្ធរវាងព្រឹទ្ធសភា ជាមួយអាជ្ញាធរខេត្តគ្រប់លំដាប់ថ្នាក់។
ក្នុងឱកាសនោះ ឯកឧត្តមបណ្ឌិត បានពាំនាំការផ្តាំផ្ញើសួរសុខទុក្ខ ពីសំណាក់ថ្នាក់ដឹកនាំព្រឹទ្ធសភា និងបានជម្រាបអំពីព្រឹទ្ធសភានីតិកាលទី៥ ដែកបានដាក់ចេញនូវអាទិភាពចម្បងចំនួន២ គឺការអភិវឌ្ឍទំនាក់ទំនងអន្តរជាតិលើកកម្ពស់ការទូតសភា និងការបង្កើនកិច្ចទំនាក់ទំនងយ៉ាងជិតស្និទ្ធជាមួយអង្គបោះឆ្នោត ជាពិសេសក្រុមប្រឹក្សាឃុំ សង្កាត់ទូទាំងប្រទេស រួមទាំងភូមិភាគទាំង៨…។
ប្រភព៖ នាយកដ្ឋានព័ត៌មាន
