ដោយទទួលបានការអនុញ្ញាតពីឯកឧត្តម ប្រាក់ សុខុន ប្រធានគណៈកម្មការទទួលបន្ទុកដឹកនាំការសាងសង់អគារថ្មីនៃព្រឹទ្ធសភា នៅរសៀល ថ្ងៃព្រហស្បតិ៍ ទី១១ ខែកញ្ញា ឆ្នាំ២០២៥ ឯកឧត្តម ឡាយ សំកុល បានដឹកនាំកិច្ចប្រជុំក្រុមការងារ ដោយមានការចូលរួមពីឯកឧត្តមនាយកខុទ្ទកាល័យសម្តេចតេជោប្រធានព្រឹទ្ធសភា ឯកឧត្តមនាយកខុទ្ទកាល័យអនុប្រធានទី១ព្រឹទ្ធសភា ឯកឧត្តម លោកជំទាវជាថ្នាក់ដឹកនាំចំណុះអគ្គលេខាធិការដ្ឋានព្រឺទ្ធសភា ដើម្បីពិនិត្យសម្រេចលើការប្រសិទ្ធនាមឈ្មោះបន្ទប់នៃអគារកំពុងសាងសង់ ដែលជាស្ថាបត្យកម្មប្រវត្តិសាស្ត្រថ្មី និងជាសមិទ្ធផលដឹកនាំប្រកបដោយចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា។ ស្របពេលជាមួយគ្នានោះ អង្គប្រជុំក៏បានពិនិត្យសម្រេចលើការធ្វើបច្ចុប្បន្នភាពឈ្មោះអគារក្នុងបរិវេណវិមានព្រឹទ្ធសភា ផងដែរ។
ប្រភព៖ ខុទ្ទកាល័យឯកឧត្តមអគ្គលេខាធិការ
