khmer eng
  • ក្រុមសមាជិកព្រឺទ្ធសភាភូមិភាគទី៣ បានអញ្ជើញចុះសំណេះសំណាលជាមួយលោកលោកស្រីក្រុមប្រឹក្សាឃុំ លោកស្មៀនឃុំ នាយប៉ុស្តិ៍នគរបាលរដ្ឋបាល ចាស់ព្រឹទ្ធាចារ្យតាមភូមិ នៃឃុំផ្សារដែក នៅសាលាឃុំផ្សារដែក ស្រុកពញាឮ ខេត្តកណ្តាលសរុបចំនួន ១៦នាក់
     
    ចែករំលែក ៖

    ថ្ងៃសុក្រ ៨កើត ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩  ខែកុម្ភៈ ឆ្នាំ២០២១ វេលាម៉ោង៩និង០០នាទីព្រឹក លោកជំទាវ ទី បូរ៉ាស៊ី ប្រធានគណៈកម្មការទី៥ព្រឹទ្ធសភា អមដំណើរដោយលោក ស៊ឺម សុខវិបូរ ប្រធានលេខាធិការដ្ឋានសមាគមសង្គហៈមន្ត្រីរាជការនៃអ.ព.ស. លោកស្រីសៅ ម៉ារ៉ា សមាជិកាអមក្រុមសមាជិកព្រឺទ្ធសភាភូមិភាគទី៣ បានអញ្ជើញចុះសំណេះសំណាលជាមួយលោកលោកស្រីក្រុមប្រឹក្សាឃុំ លោកស្មៀនឃុំ នាយប៉ុស្តិ៍នគរបាលរដ្ឋបាល ចាស់ព្រឹទ្ធាចារ្យតាមភូមិ នៃឃុំផ្សារដែក នៅសាលាឃុំផ្សារដែក  ស្រុកពញាឮ ខេត្តកណ្តាលសរុបចំនួន ១៦នាក់  និងមានការចូលរួមពីសំណាក់លោក នុត ប៉ាត តំណាងលោក ថន សុវណ្ណាអភិបាលស្រុកពញាឮ។ ក្នុងឱកាសនោះ លោកជំទាវបាននាំប្រសាសន៍ផ្តាំផ្ញើសួរសុខទុក្ខរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និង ឯកឧត្តម លឹម គានហោ រដ្ឋមន្ត្រីក្រសួងធនធានទឹកនិងឧតុនិយម ប្រធានក្រុមការងាររាជរដ្ឋាភិបាលចុះមូលដ្ឋានស្រុកពញាឮ ជូនសមាជិកសមាជិកាអង្គប្រជុំ។ បន្ទាប់ពីបានស្តាប់របាយការណ៍សង្ខេបរបស់លោក ញឹប ចាន់ ប្រធានក្រុមប្រឹក្សានិងជាមេឃុំផ្សារដែក លោកជំទាវប្រធានបានកោតសរសើរស្នាដៃការងាររបស់រដ្ឋបាលឃុំ ក្នុងរយៈពេល២ឆ្នាំកន្លងមក ព្រមទាំងបានលើកទឹកចិត្តលោកលោកស្រីថ្នាក់ដឹកនាំឃុំ បន្តការខិតខំបំពេញតួនាទីភារកិច្ចរបស់ខ្លួន ដើម្បីចូលរួមរក្សាសន្តិភាពនិងអភិវឌ្ឍប្រទេសជាតិរីកចម្រើនទៅមុខ ក្រោមការដឹកនាំដ៏ប៉ិនប្រសប់និងម៉ឹងម៉ាត់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ទោះបីមានជំងឺកូវីដ-១៩ក៏ដោយ។ មុននឹងបញ្ចប់លោកជំទាវប្រធានបានឧបត្ថម្ភជូនសមាជិកសមាជិកាក្រុមប្រឹក្សាឃុំ នាយប៉ុស្តិ៍  និងស្មៀនឃុំ ដោយម្នាក់ៗទទួលបានថវិកា ២០ ០០០រៀល សារុង១ និងជូនលោកតា លោកយាយ ចាស់ព្រឹទ្ធាចារ្យតាមភូមិ ថវិកា ១០ ០០០រៀល ខោអាវ១កំប្លេ  និង ឧបត្ថម្ភថវិកា១០០ ០០០រៀលប្រើប្រាស់ក្នុងការងាររដ្ឋបាលឃុំ។


    អត្ថបទពាក់ព័ន្ធ
       អត្ថបទថ្មី
    thumbnail
     
    សារលិខិតថ្វាយព្រះពរ របស់ សមាជិក សមាជិកា គណៈកម្មការទី១០ ព្រឹទ្ធសភា សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសប្រកបដោយមហាជ័យមង្គល វិបុលសុខ បវរថ្លៃថ្លា មហាប្រសើរនៃព្រះរាជពិធី បុណ្យចម្រើនព្រះជន្ម របស់ សម្តេចព្រះមហាក្សត្រី គម្រប់៨៨ព្រះវស្សា យាងចូល៨៩ព្រះវស្សា
    thumbnail
     
    សារលិខិតថ្វាយព្រះពរ របស់ សមាជិក គណៈកម្មការទី១ ព្រឹទ្ធសភា សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសប្រកបដោយមហាជ័យមង្គល វិបុលសុខ បវរថ្លៃថ្លា មហាប្រសើរនៃព្រះរាជពិធី បុណ្យចម្រើនព្រះជន្ម របស់ សម្តេចព្រះមហាក្សត្រី គម្រប់៨៨ព្រះវស្សា យាងចូល៨៩ព្រះវស្សា
    thumbnail
     
    សម្ដេចតេជោ ហ៊ុន សែន អនុញ្ញាតឱ្យឯកអគ្គរាជទូតម៉ាឡេស៊ីប្រចាំកម្ពុជា ចូលជួបសម្តែងការគួរសម
    thumbnail
     
    សារលិខិតថ្វាយព្រះពរ របស់ សមាជិក គណៈកម្មការទី៤ ព្រឹទ្ធសភា សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសប្រកបដោយមហាជ័យមង្គល វិបុលសុខ បវរថ្លៃថ្លា មហាប្រសើរនៃព្រះរាជពិធី បុណ្យចម្រើនព្រះជន្ម របស់ សម្តេចព្រះមហាក្សត្រី គម្រប់៨៨ព្រះវស្សា យាងចូល៨៩ព្រះវស្សា
    thumbnail
     
    ឯកឧត្តម អ៊ុំ សារឹទ្ធ អញ្ជើញជាកិត្តិយសក្នុងពិធីបើកការដ្ឋានសាងសង់ស្ពានអាកាសភ្លោះ នៅខេត្តកណ្តាល