khmer eng
  • លោកជំទាវ ទី បូរ៉ាស៊ី ប្រធានគណៈកម្មការទី៥ព្រឹទ្ធសភា បានអញ្ជើញចុះសំណេះសំណាលជាមួយលោកលោកស្រីក្រុមប្រឹក្សាឃុំ លោកស្មៀនឃុំ នាយប៉ុស្តិ៍នគរបាលរដ្ឋបាល ចាស់ព្រឹទ្ធាចារ្យតាមភូមិ នៃឃុំភ្នំបាត នៅសាលាឃុំភ្នំបាត ស្រុកពញាឮ ខេត្តកណ្តាលសរុបចំនួន២៧នាក់
     
    ចែករំលែក ៖

    ថ្ងៃសុក្រ ៨កើត ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩  ខែកុម្ភៈ ឆ្នាំ២០២១ វេលាម៉ោង១៤និង០០នាទីរសៀល លោកជំទាវ ទី បូរ៉ាស៊ី ប្រធានគណៈកម្មការទី៥ព្រឹទ្ធសភា អមដំណើរដោយលោក ស៊ឺម សុខវិបូរ ប្រធានលេខាធិការដ្ឋានសមាគមសង្គហៈមន្ត្រីរាជការនៃអ.ព.ស. បានអញ្ជើញចុះសំណេះសំណាលជាមួយលោកលោកស្រីក្រុមប្រឹក្សាឃុំ លោកស្មៀនឃុំ នាយប៉ុស្តិ៍នគរបាលរដ្ឋបាល ចាស់ព្រឹទ្ធាចារ្យតាមភូមិ នៃឃុំភ្នំបាត នៅសាលាឃុំភ្នំបាត  ស្រុកពញាឮ ខេត្តកណ្តាលសរុបចំនួន២៧នាក់  និងមានការចូលរួមពីសំណាក់លោក នុត ប៉ាត តំណាងលោក ថន សុវណ្ណាអភិបាលស្រុកពញាឮ។ ក្នុងឱកាសនោះ លោកជំទាវបាននាំប្រសាសន៍ផ្តាំផ្ញើសួរសុខទុក្ខរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និង ឯកឧត្តម លឹម គានហោ រដ្ឋមន្ត្រីក្រសួងធនធានទឹកនិងឧតុនិយម ប្រធានក្រុមការងាររាជរដ្ឋាភិបាលចុះមូលដ្ឋានស្រុកពញាឮ ជូនសមាជិកសមាជិកាអង្គប្រជុំ។ បន្ទាប់ពីបានស្តាប់របាយការណ៍សង្ខេបរបស់លោក សែម សុផល ប្រធានក្រុមប្រឹក្សានិងជាមេឃុំភ្នំបាត លោកជំទាវប្រធានបានកោតសរសើរស្នាដៃការងាររបស់រដ្ឋបាលឃុំ ក្នុងរយៈពេល២ឆ្នាំកន្លងមក ព្រមទាំងបានលើកទឹកចិត្តលោកលោកស្រីថ្នាក់ដឹកនាំឃុំ បន្តការខិតខំបំពេញតួនាទីភារកិច្ចរបស់ខ្លួន ដើម្បីចូលរួមរក្សាសន្តិភាពនិងអភិវឌ្ឍប្រទេសជាតិរីកចម្រើនទៅមុខ ក្រោមការដឹកនាំដ៏ប៉ិនប្រសប់និងម៉ឹងម៉ាត់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ទោះបីមានជំងឺកូវីដ-១៩ក៏ដោយ។ មុននឹងបញ្ចប់លោកជំទាវប្រធានបានឧបត្ថម្ភជូនសមាជិកសមាជិកាក្រុមប្រឹក្សាឃុំ នាយប៉ុស្តិ៍  និងស្មៀនឃុំ ដោយម្នាក់ៗទទួលបានថវិកា ២០ ០០០រៀល សារុង១ និងជូនលោកតា លោកយាយ ចាស់ព្រឹទ្ធាចារ្យតាមភូមិ ថវិកា ១០ ០០០រៀល ខោអាវ១កំប្លេ  និង ឧបត្ថម្ភថវិកា១០០ ០០០រៀលប្រើប្រាស់ក្នុងការងាររដ្ឋបាលឃុំ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ជឹម លាវ លេខាធិការគណៈកម្មការទី១ ព្រឹទ្ធសភា បានដឹកនាំកិច្ចប្រជុំ ជាមួយមន្ត្រីការិយាល័យជំនួយការគណៈកម្មការទី១ ដើម្បីត្រៀមរៀបចំកិច្ចប្រជុំផ្ទៃក្នុងគណៈកម្មការ ដែលនឹងប្រព្រឹត្តទៅនៅថ្ងៃទី២៦ ខែមិថុនា ឆ្នាំ២០២៤
    thumbnail
     
    ឯកឧត្តម អន ស៊ុំ សមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ចើញចូលរួមដាំកូនឈើ ចំនួន ៦០០ ដើម នៅវិទ្យាល័យរហាល ឃុំរហាល ស្រុកព្រះនេត្រព្រះ ខេត្តបន្ទាយមានជ័យ។
    thumbnail
     
    ឯកឧត្តម ប្រាក់ ចំរើន អញ្ជើញចុះជួបសំណេះសំណាលជាមួយក្រុមប្រឹក្សាឃុំ និងពិនិត្យស្រះទឹក ស្ថិតក្នុងឃុំជ្រៃលាស់ ស្រុកពញាឮ ខេត្តកណ្តាល
    thumbnail
     
    ឯកឧត្តម ឡាយ សំកុល ជួបសំណេះសំណាលមន្ត្រីរាជការនៃអ.ពស មុនចេញទៅសិក្សា នៅប្រទេសឥណ្ឌា
    thumbnail
     
    សមាជិក សមាជិកាព្រឹទ្ធសភា បានអញ្ជើញចូលរួមជាកិត្តិយសក្នុងព្រះរាជពិធីបុណ្យទីឃាយុវឌ្ឍនមង្គល ប្រោះព្រំព្រះសុគន្ធវារី ថ្វាយសម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះមហាសង្ឃរាជស្តីទី នៃព្រះរាជាណាចក្រកម្ពុជា គម្រាប់ព្រះជន្ម១០០ យាងចូល១០១ព្រះវស្សា