នាថ្ងៃទី១៨ ខែកញ្ញា ឆ្នាំ២០២៥ វេលាម៉ោង ៩:០០នាទីព្រឹក ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា បានអនុញ្ញាតឱ្យថ្នាក់ដឹកនាំសាលាអន្តរជាតិផារ៉ាហ្គន និងសាកលវិទ្យាល័យអន្តរជាតិផារ៉ាហ្គន ដឹកនាំដោយលោក Artur Tulepbekov តំណាងនាយកប្រតិបត្តិ ចូលជួបសម្តែងការគួរសម និងជូនពរក្នុងឱកាសនៃពិធីបុណ្យភ្ជុំបិណ្ឌ ប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៩ នៅសាលប្រជុំខុទ្ទកាល័យ អគារ ស វិមានព្រឹទ្ធសភា។
ឆ្លៀតក្នុងឱកាសនោះ ឯកឧត្តមបណ្ឌិត បានលើកឡើងពីលទ្ធភាពនៃកិច្ចសហប្រតិបត្តិការរវាងព្រឹទ្ធសភា ជាមួយសាកលវិទ្យាល័យអន្តរជាតិ ផារ៉ាហ្គន ក្នុងការជំរុញកិច្ចការស្រាវជ្រាវលើវិស័យកសិ-ឧស្សាហកម្ម បច្ចេកវិទ្យា ក៏ដូចជាកិច្ចសហការរៀបចំវេទិកាអន្តរជាតិ នាពេលខាងមុខផងដែរ។
ខ្លឹមសារ៖ ខុទ្ទកាល័យឯកឧត្តមបណ្ឌិតអនុប្រធានទី២ ព្រឹទ្ធសភា
រូបភាព៖ នាយកដ្ឋានព័ត៌មាន
