នាព្រឹកថ្ងៃចន្ទ ទី៦ ខែតុលា ឆ្នាំ២០២៥ ឯកឧត្តម ងី ច័ន្ទ្រផល ប្រធានគណៈកម្មការទី១ព្រឹទ្ធសភា អមដំណើរដោយមន្រ្តីជំនួយការគណៈកម្មការ បានអញ្ជើញចូលរួមគោរពវិញ្ញាណក្ខន្ធសពឯកឧត្តម ឆាន់ សាផាន ទីប្រឹក្សារាជរដ្ឋាភិបាល និងជាអតីតរដ្ឋលេខាធិការនៃក្រសួងដែនដី នគរូបនីយកម្ម និងសំណង់ ដែលបានទទួលមរណភាពនៅថ្ងៃសុក្រ ទី៣ ខែតុលា ឆ្នាំ២០២៥ ក្នុងជន្មាយុ ៨១ឆ្នាំ ដោយរោគាពាធ នៅគេហដ្ឋាននៃសព ស្ថិតក្នុងបូរីហ្គ្រេនភ្នំពេញ ខ័ណ្ឌសែនសុខ រាជធានីភ្នំពេញ។
ក្នុងឱកាសនោះ ឯកឧត្តមប្រធានបាននាំយកនូវកម្រងផ្កា និងសារលិខិតរំលែកទុក្ខ ព្រមទាំងបច្ច័យមួយចំនួនជូនដល់ក្រុមគ្រួសារនៃសពផងដែរ។
ប្រភព៖ ការិយាល័យជំនួយការគណៈកម្មការទី១ព្រឹទ្ធសភា
