នៅរសៀលថ្ងៃសុក្រ ទី១០ ខែតុលា ឆ្នាំ២០២៥ លោកជំទាវ មុំ សណ្តាប់ សមាជិកាគណៈកម្មការនីតិកម្ម និងយុត្តិធម៌នៃព្រឹទ្ធសភា និងជាសមាជិកាក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញជួបសំណេះសំណាលជាមួយចលនាសហជីពមកពីភូមិ១ សរុបចំនួន៩គ្រួសារ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ក្នុងឱកាសនោះដែរ លោកជំទាវបានផ្តល់មតិសំណេះសំណាលជាមួយបងប្អូនប្រជាពលរដ្ឋដូចជា៖

• ផ្សព្វផ្សាយដល់សមាជិកចូលរួម បងប្អូនដែលវិលត្រឡប់មកពីប្រទេសថៃ ដែលមិនទាន់ការងារធ្វើអាចទាក់ទងទៅលេខទូរស័ព្ទ១២៩៧ ដើម្បីងាយរកការងារ តាមរយៈក្រសួងការងារ និងបណ្តុះបណ្តាលវិជ្ជាជីវៈ។
• ផ្សព្វផ្សាយដល់សមាជិកចូលរួមដែលមានអត្តសញ្ញាណប័ណ្ណជិតហួសសុពលភាព(សល់ត្រឹម១៨០ថ្ងៃ) ឬបាត់ ឬខូច ឬទើបគ្រប់អាយុធ្វើអត្តសញ្ញាណប័ណ្ណ ឱ្យអញ្ជើញមកកាន់ប៉ុស្តិ៍នគរបាល ដើម្បីបន្តសុពលភាព ឬធ្វើថ្មី។

ក្រោយពីបានសំណេះសំណាល លោកជំទាវក៏បានឧបត្ថម្ភថវិកាចំនួន ៥០ម៉ឺនរៀល ជូនដល់បងប្អូនប្រជាពលរដ្ឋដែលបានចូលរួមក្នុងពិធីផងដែរ។

ប្រភព៖ ការិយាល័យ​ជំនួយ​ការ​គណៈកម្មការ​ទី៦ព្រឹទ្ធសភា