ឯកឧត្តម លី សារី អញ្ជើញចុះជួបសំណេះសំណាលសួរសុខទុក្ខប្រជាពលរដ្ឋ នៅស្រុកទឹកឈូ ខេត្តកំពត
នារសៀលថ្ងៃទី១៧ ខែតុលាឆ្នាំ២០២៥ ឯកឧត្តម លី សារី សមាជិកគណៈកម្មការទី១ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះជួបសំណេះសំណាលសួរសុខទុក្ខប្រជាពលរដ្ឋ ស្ថិតនៅភូមិកំពង់កណ្តាល ឃុំជុំក្រៀល ស្រុកទឹកឈូ ខេត្តកំពត ដើម្បីផ្សព្វផ្សាយពីគោលនយោបាយភូមិ ឃុំ សង្កាត់ មានសុវត្ថិភាព និងណែនាំឱ្យមានការជឿជាក់លើការដឹកនាំរបស់រាជរដ្ឋាភិបាល ព្រមទាំងចូលរួមថែរក្សា ការពារសន្តិភាព បន្តយកចិត្តទុកដាក់អប់រំកូនចៅឱ្យខិតខំរៀនសូត្រ ជៀសឆ្ងាយពីគ្រឿងញៀនដើម្បីក្លាយជាទំពាំងស្នងឫស្សីសម្រាប់ប្រទេសជាតិ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
