នាព្រឹកថ្ងៃអង្គារ ទី២១ ខែតុលា ឆ្នាំ២០២៥ លោកជំទាវ ឃួន ឃុនឌី លេខាធិការគណៈកម្មការទី៨ព្រឹទ្ធសភា បានអញ្ជើញចូលរួមក្នុងកម្មវិធីចេញផ្សាយរបាយការណ៍ ស្តីពីការតាមដានលើការអនុវត្តអនុសញ្ញា ស៊ី-ដ សម្រាប់ឆ្នាំ២០២៣ និង២០២៤។
កម្មវិធីនេះ ប្រព្រឹត្តទៅនៅសណ្ឋាគារកាំបូឌីយ៉ាណា រាជធានីភ្នំពេញ ដោយមានការចូលរួមមកពីតំណាងស្ថាប័នព្រឹទ្ធសភា ក្រសួង/ស្ថាប័នរដ្ឋាភិបាល ភ្នាក់ងារនៃអង្គការសហប្រជាជាតិ សារព័ត៌មាន អង្គការជាតិ-អន្តរជាតិពាក់ព័ន្ធនានា និងសាធារណជន ប្រមាណ ៥០នាក់ ក្នុងគោលបំណង ៖
១-ចេញផ្សាយរបាយការណ៍តាមដានការអនុវត្តអនុសញ្ញា ស៊ី-ដ ឆ្នាំ២០២៣ និង២០២៤ សម្រាប់ប្រទេសកម្ពុជា និងធ្វើបច្ចុប្បន្នភាពអំពីស្ថានភាពសិទ្ធិមនុស្សរបស់ស្ត្រី ក្មេងស្រី និងបុគ្គលដែលមិនកំណត់អត្តសញ្ញាណភេទស្រី ឬប្រុស។
២-ស្នើឱ្យរាជរដ្ឋាភិបាលកម្ពុជាចាត់នូវវិធានការជាក់លាក់ ក្នុងការពន្លឿនការយល់ដឹងពីសិទ្ធិមនុស្សរបស់ស្ត្រី និងលុបបំបាត់រាល់ការរើសអើងលើស្ត្រី ក្មេងស្រី និងបុគ្គលដែលមិនកំណត់អត្តសញ្ញាណភេទស្រី ឬប្រុស។
ប្រភព៖ ការិយាល័យជំនួយការគណៈកម្មការទី៨ព្រឹទ្ធសភា
