ដោយពិនិត្យឃើញស្ថានភាពផ្លូវពិបាកក្នុងការធ្វើដំណើរ និងឆ្លើយតបនឹងសំណូមពររបស់គណៈកម្មាធិការ អាចារ្យវត្ត សិស្សានុសិស្ស ប្រជាពលរដ្ឋ និងរដ្ឋបាលឃុំសែនដី នាវេលាម៉ោង៩:០០នាទីព្រឹក ថ្ងៃសៅរ៍ ទី២៥ ខែតុលា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជេីញដឹកនាំសមាជិក សមាជិកាគណៈកម្មការទី៣ព្រឹទ្ធសភា និងក្រុមសមាជិកព្រឹទ្ធសភាប្រចាំភូមិភាគទី៧ អញ្ជេីញជួបសំណេះសំណាលជាមួយប្រជាពលរដ្ឋ និងពិនិត្យសកម្មភាពក្រុមការងារបច្ចេកទេសគ្រឿងចក្រកំពុងជួសជុលផ្លូវមួយខ្សែប្រវែង៧,០០០ម៉ែត្រ តភ្ជាប់ពីភូមិវាលវង់ ភូមិស្រះស្រង់ ភូមិត្រពាំងកែស ភូមិត្រពាំងដំរី និងភូមិព្រៃស្យា ស្ថិតក្នុងឃុំសែនដី ស្រុកសំរោងទង ខេត្តកំពង់ស្ពឺ ក្នុងគោលបំណងដើម្បីជួយសម្រួលដល់ការធ្វើដំណើររបស់ប្រជាពលរដ្ឋ សិស្សានុសិស្ស កម្មករ និងការដឹកជញ្ជូនកសិផលជាដើម។
បន្ទាប់មក គណៈប្រតិភូបានអញ្ជើញទស្សនកិច្ចក្នុងតំបន់រមណីយដ្ឋានអភិវឌ្ឍន៍កសិ-ទេសចរណ៍ ម៉ុង ឫទ្ធី សែនជ័យ ស្ថិតនៅភូមិសំរោងជើងភ្នំ ឃុំសែនដី ស្រុកសំរោងទង ខេត្តកំពង់ស្ពឺ។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
